ଆମ୍ବଗଛ ଉପରେ ଭାଲୁ

ନୂଆପଡ଼ା ଅଫିସ,୨୪।୫:ନୂଆପଡ଼ା ଜିଲା ସିନାପାଲି ବ୍ଲକ ଘୁଚାଗୁଡା ପଞ୍ଚାୟତ ରେଙ୍ଗଟାପଡ଼ା ଗାଁର ଏକ ଆମ୍ବଗଛ ଉପରେ ଭାଲୁ ଚଢ଼ି ରହିଥିବା ଦେଖିବାକୁ ମିଳିଛି। ପାଣି କିମ୍ବା ଖାଦ୍ୟ ଅନ୍ବେଷଣରେ ଗାଁ ଭିତରକୁ ଶନିବାର ରାତିରେ ପଶି ଆସିଥିବା ଅନୁମାନ କରାଯାଉଛି। ରବିବାର ସକାଳୁୁ ଜୀବନ ବଞ୍ଚାଇବା ପାଇଁ ଗଛ ଉପରକୁ ଚଢ଼ିଯାଇଛି। ଭାଲୁକୁ ଦେଖି ଗାଁ ଲୋକେ ଭୟଭୀତ ହୋଇ ବନ ବିଭାଗକୁ ଖବର ଦେଇଥିଲେ। ବନ ବିଭାଗ ସେଠାରେ ପହଞ୍ଚତ୍ ଭାଲୁକୁ ଜଙ୍ଗଲକୁ ଘଉଡ଼ାଇବା ପାଇଁ ଉଦ୍ୟମ କରୁଛିି। ଖବର ଲେଖାଯିବା ପର୍ଯ୍ୟନ୍ତ ଭାଲୁ ଉଦ୍ଧାର ହୋଇ ନ ଥିବା ଜଣାପଡ଼ିଛି। ଘଟଣାସ୍ଥଳରେ ଖଡ଼ିଆଳ ବନଖଣ୍ଡ ଏସିଏଫ୍‌ ଜୟରାମ ଶବର ସଦଳବଳ ପହଞ୍ଚତ୍ ସେଠାରେ ଜଗି ରହିଛନ୍ତି। ଭାଲୁ ରାତିରେ ବୁଲି ସକାଳ ହେବାରୁ ଗଛ ଉପରକୁ ଚଢ଼ିଯାଇଛି। ସନ୍ଧ୍ୟା ହେଲେ ଗଛରୁ ତଳକୁ ଆସିବ ବୋଲି ବନ ବିଭାଗ ପକ୍ଷରୁ କୁହାଯାଇଛି।
ପ୍ରାପ୍ତ ସୂଚନା ଅନୁସାରେ ଶନିବାର ରାତିରେ ଭାଲୁ ଗାଁ ଭିତରକୁ ପଶି ଆସିଥିଲା। ସକାଳ ହେବାରୁ ଜଙ୍ଗଲକୁ ଯାଇ ନ ପାରି ଜୀବନ ବଞ୍ଚାଇବା ପାଇଁ ଏକ ଆମ୍ବଗଛ ଉପରକୁ ଚଢ଼ିଯାଇଥିବା ଅନୁମାନ କରାଯାଉଛି। ଖବର ପାଇ ସିନାପାଲି ବନ ବିଭାଗ ଫରେଷ୍ଟର ଖଗେଶ୍ୱର ମାଝିଙ୍କ ନେତୃତ୍ୱରେ ଏକ ଟିମ୍‌ ଘଟଣାସ୍ଥଳରେ ପହଞ୍ଚତ୍ଥିଲା। ଗଛ ଉପରୁ ଭାଲୁକୁ ଉଦ୍ଧାର କରିବାକୁ ଚେଷ୍ଟା କରିଥିଲେ। କିନ୍ତୁ ସ୍ଥାନୀୟ ଲୋକେ ହୋହଲ୍ଲା କରିବା ଯୋଗୁ ଭାଲୁକୁ ଉଦ୍ଧାର କରାଯାଇ ପାରି ନ ଥିଲା। ବନ ବିଭାଗଠୁ ସୂଚନା ପାଇ ସିନାପାଲି ପୋଲିସ ଓ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ଥିଲେ। ପୋଲିସ କର୍ମଚାରୀମାନେ ଲୋକଙ୍କୁ ଘରକୁ ଯିବା ପାଇଁ କହିଥିବା ବେଳେ ଅମାନିଆଙ୍କୁ ଘଉଡ଼ାଇଥିଲା। ଅଗ୍ନିଶମ ବିଭାଗ କର୍ମଚାରୀମାନେ ଉଦ୍ଧାର କରିପାରି ନ ଥିବା ବେଳେ ଭାଲୁ ଗଛ ଉପରେ ରହିଛି। ଘଟଣାସ୍ଥଳରେ ଉଭୟ ବିଭାଗ କର୍ମଚାରୀ ଜଗି ରହିଛନ୍ତି।