ନୂଆଦିଲ୍ଲୀ,୨୫।୬: ଦ୍ୱାରକାର ଅମ୍ବରହାଇ ଗାଁରେ ଗୁରୁବାର ୨୩ ବର୍ଷୀୟ ବ୍ୟକ୍ତିଙ୍କୁ ଗୁଳି କରି ହତ୍ୟା କରାଯାଇଥିବା ବେଳେ ତାଙ୍କର ସ୍ତ୍ରୀ ଗୁରୁତର ହୋଇ ହସ୍ପିଟାଲରେ ଜୀବନ ସହ ସଂଘର୍ଷ କରୁଛନ୍ତି। ଘଟଣା ସମ୍ପର୍କରେ ସକାଳ ୯ଟା ରେ ଖବର ପାଇଥିଲା ଦ୍ୱାରକା ସେକ୍ଟର-୨୩ ଥାନା ପୋଲିସ। ଏହାକୁ ପୋଲିସ ଅନର କିଲିଂ ମାମଲା ବୋଲି ସନ୍ଦେହ କରୁଛି।
ପୋଲିସର ତଦନ୍ତରୁ ଜଣାପଡ଼ିଛି, ମୃତକ ବିନୟ ଦାହିୟା (୨୩) ଓ ତାଙ୍କ ସ୍ତ୍ରୀ କିରନ (୧୯)ଙ୍କୁ ଭଡ଼ା ଘରେ ପଶି ୬ରୁ ୭ ଜଣ ଲୋକେ ଗୁଳି କରିଥିଲେ। ବିନୟଙ୍କ ଦେହରେ ୪ଟି ଗୁଳି ବାଜିଥିବାରୁ ତାଙ୍କ ମୃତ୍ୟୁ ହୋଇଥିବାବେଳେ ୫ ଗୁଳି ଖାଇଥିବା କିରନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା କହିଛନ୍ତି ଦ୍ୱାରକା ଡିସିପି ସନ୍ତୋଷ କୁମାର ମିନା। ଏହି ଦମ୍ପତି ଗତବର୍ଷ ସେମାନଙ୍କ ପରିବାର ଇଚ୍ଛା ବିରୋଧରେ ହରିୟାଣାର ସୋନିପତରୁ ଫେରାର ହୋଇଯାଇଥିଲେ।
