ଭିଏତ୍ନାମ, ହାନୋଇରେ ଏମିତି ଏକ ହୋଟେଲ ଆରମ୍ଭ ହୋଇଛି; ଯାହାକୁ ଦେଖିଲେ ଆଖି ଝଲସିଯିବ। ତା’ର ଚମକ କିମିଆଁ କରିବ। କାରଣ ଏହି ହୋଟେଲଟି ସମ୍ପୂର୍ଣ୍ଣଭାବେ ଗୋଲ୍ଡ ପ୍ଲେଟେଡ୍। ଏହାର ବାହାର, ଭିତର କୋଠରି, ଏମିତିକି ଟଏଲେଟ୍, ବେସିନ୍ ସବୁକିଛି ଗୋଲ୍ଡ ପ୍ଲେଟେଡ୍। ଏଠାରେ ଗୋଟିଏ ରାତି ବିତାଇବା ପାଇଁ ୨୫୦ ଡଲାର ଖର୍ଚ୍ଚ କରିବାକୁ ହେବ। ମହାମାରୀ କରୋନାର ତାଣ୍ଡବ ଚାଲିଥିବା ସମୟରେ ଖୋଲିଛି ଏହି ହୋଟେଲ। ଏହାର ନାମ ‘ଡୋଲ୍ସ ହାନୋଇ ଗୋଲ୍ଡେନ୍ ଲେକ୍’। ଦାବି କରାଯାଉଛି ଯେ, ଏହା ହେଉଛି ପୃଥିବୀର ପ୍ରଥମ ସୁନାର ହୋଟେଲ। ହୋଟେଲର ଲବି ୨୪ କ୍ୟାରେଟ୍ ସୁନାରେ ତିଆରି ହୋଇଛି। ଯେଉଁଥିରେ ଖର୍ଚ୍ଚ ହୋଇଛି ୨୦୦ ମିଲିୟନ ଡଲାର୍। କେବଳ ସେତିକି ନୁହେଁ, ହୋଟେଲର ପୁଲ୍, କୋଠରି, ବାସନକୁସନ, କପ୍ ପ୍ଲେଟ୍, ସାଓ୍ବର ଡେଡ୍, ଟୟଲେଟ୍ ବି ସୁନାର। ଗ୍ରାହକଙ୍କୁ ଏଠାରେ ସୁନା କପ୍ରେ କଫି ଦିଆଯାଏ। ଗାଧୋଇବା ପାଇଁ ଅଛି ସୁନାର ଟବ୍। ହାନୋଇର ମଧ୍ୟଭାଗରେ ଥିବା ଏହି ହୋଟେଲ୍ ୨୫ ମହଲାବିଶିଷ୍ଟ। ଏଠାକାର ଖାଦ୍ୟରେ ବି ଖାସ୍ ଉପାୟରେ ସୁନା ମିଶାଯାଇଥାଏ।
