ଭୁବନେଶ୍ୱର,୨୦।୬: ମିଲ୍ଖାଙ୍କ ଓଡ଼ିଶା ଲିଙ୍ଗ୍ ବହୁ ପୁରୁଣା। ଯେତେବେଳେ ସେ ତାରକା ହୋଇ ନ ଥିଲେ ମିଲ୍ଖା ଐତିହାସିକ ବାରବାଟୀ ଷ୍ଟାଡିୟମ ଟ୍ରାକ୍ରେ ଦୌଡ଼ି ଦୁଇଟି ସ୍ବର୍ଣ୍ଣ ପଦକ ହାସଲ କରିଥିଲେ। ୧୯୫୮ରେ ବାରବାଟୀରେ ଜାତୀୟ କ୍ରୀଡ଼ା ଆୟୋଜିତ ହୋଇଥିଲା। ଏଥିରେ ସେ ୧୦୦ ଓ ୨୦୦ ମିଟର ଇଭେଣ୍ଟରେ ଅଂଶଗ୍ରହଣ କରି ସ୍ବର୍ଣ୍ଣ ପଦକ ହାସଲ କରିଥିଲେ। ୨୦୦ ମିଟର ଫାଇନାଲରେ ସେ ୪୬.୨ ସେକେଣ୍ଡ ସମୟ ନେଇ ଏସୀୟ ରେକର୍ଡ ହାସଲ କରିଥିଲେ। ତେବେ ସେ ନିଜେ ତାଙ୍କ ପ୍ରଦର୍ଶନକୁ ବିଶ୍ୱାସ କରିପାରି ନ ଥିଲେ। ଏତେ କମ୍ ସମୟରେ ଦୌଡ଼ିବା କଥାକୁ ସେ ହଜମ କରିପାରି ନ ଥିଲେ। ତେଣୁ ସେ ଫିତା ନେଇ ପରଦିନ ବାରବାଟୀର ଟ୍ରାକ୍ ମାପିଥିଲେ। ଲେନ୍ଥ ଠିକ୍ ଅଛି ବୋଲି ସେ ହୃଦୟଙ୍ଗମ କରିଥିଲେ ଓ ସନ୍ତୋଷ ଲାଭ କରିଥିଲେ। ଏହାପରେ ସେ ୨୦୧୬ ଏକଲବ୍ୟ ପୁରସ୍କାର ପ୍ରଦାନ ଉତ୍ସବରେ ଯୋଗଦେବା ପାଇଁ ଓଡ଼ିଶା ଆସିଥିଲେ ଓ ଟ୍ରାକ୍ ଆଣ୍ଡ ଫିଲ୍ଡରେ ଆଥ୍ଲେଟଙ୍କ ଉନ୍ନତ ପ୍ରଦର୍ଶନ ପାଇଁ ବହୁମୂଲ୍ୟ ପରାମର୍ଶ ଦେଇଥିଲେ।
