ବମ୍ବେ: ବିବାହ ବନ୍ଧନରେ ଆବଦ୍ଧ ହୋଇଛନ୍ତି ଟେଲି ଧାରାବାହିକ ପାଣ୍ଡ୍ୟା ଷ୍ଟୋର ଅଭିନେତା ଅକ୍ଷୟ ଖରୋଦିୟା। ପ୍ରେମିକା ତଥା ପେସାରେ ଡାକ୍ତର ଥିବା ଦିବ୍ୟା ପୁନେଥାଙ୍କ ହାତ ଧରିଛନ୍ତି ସେ। ଶନିବାର ରାତିରେ ପ୍ରିୟଜନଙ୍କ ଉପସ୍ଥିତିରେ ବିବାହ ସମ୍ପନ୍ନ ହୋଇଛି।
ମହାମାରୀ କରୋନା କାରଣରୁ ଅକ୍ଷୟ ଦୀର୍ଘଦିନରୁ ବିବାହ ଟାଳି ଆସୁଥିଲେ। ହେଲେ ପରିବାରଲୋକଙ୍କ ଗହଣରେ ବିବାହ କରିବାକୁ ଶେଷରେ ନିଷ୍ପତ୍ତି ନେଇଥିଲେ।
ବିବାହ ପରେ ପ୍ରତିକ୍ରିୟା ରଖି ଅଭିନେତା କହିଛନ୍ତି, ବିବାହ ବେଶ ସୁନ୍ଦର ଥିଲା। ମୋ ପରିବାର ସହ ଦିବ୍ୟାଙ୍କ ପରିବାର ସାମିଲ ଥିଲେ। ମାତ୍ର ୧୦ଜଣ ଲୋକ ଥିଲେ। ମୋ ପଟରୁ ପାଞ୍ଚ ଜଣ ଏବଂ ମୋ ପ୍ରେମିକାଙ୍କ ପଟରୁ ପାଞ୍ଚ ଜଣ ଲୋକ ଥିଲେ। ବେଶ ବ୍ୟକ୍ତିଗତ ଉତ୍ସବରେ ପାରମ୍ପରିକ ଭାବେ ଉଭୟ ଉଭୟଙ୍କୁ ଜୀବନସାଥୀ ରୂପେ ବାଛିଚୁ।
