ମୁମ୍ବାଇ,୨୬।୬: ମନି ଲଣ୍ଡରିଂ ମାମଲାରେ ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀଙ୍କ ମୁମ୍ବାଇ ଓ ନାଗପୁର ସ୍ଥିତ ବାସଭବନରେ ଶୁକ୍ରବାର ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଚଢ଼ାଉ କରିଥିଲା। ଏହି ଚଢ଼ାଉ ସମୟରେ ତାଙ୍କ ଘରୁ କେତେକ ଜରୁରୀ କାଗଜପତ୍ର ଜବତ କରାଯାଇଥିଲା। ଏସମ୍ବନ୍ଧରେ ପଚରାଉଚରା ପାଇଁ ଅନୀଲ ଦେଶମୁଖଙ୍କୁ ଏକ ସମନ ଜାରି କରାଯାଇ ଶନିବାର ଇଡି କାର୍ଯ୍ୟାଳୟରେ ହାଜର ହେବାକୁ କୁହାଯାଇଥିଲା। କିନ୍ତୁ ଅନୀଲଙ୍କ ସ୍ଥାନରେ ଶନିବାର ତାଙ୍କ ଓକିଲ ପହଞ୍ଚିଥିଲେ ଇଡି କାର୍ଯ୍ୟାଳୟରେ। ଏଥିସହ କାର୍ଯ୍ୟାଳୟରେ ହାଜର ହେବାକୁ ନେଇ ତାଙ୍କ ଓକିଲ ନୂଆ ତାରିଖ ଦାବି କରିଥିଲେ। ଏଥିସହ ଦେଶମୁଖଙ୍କ ପକ୍ଷରୁ ତାଙ୍କ ଓକିଲ ଇଡି ଅଧିକାରୀଙ୍କୁ ଏକ ଦାବିପତ୍ର ଦେଇଥିବା ଜଣାପଡ଼ିଛି।
