କାଲିଫର୍ନିଆ,୨୬।୬: ପୃଥିବୀରେ କରୋନା ମହାମାରୀ ସଂକ୍ରମଣ ନେଇ ଆତଙ୍କ ସୃଷ୍ଟି ହୋଇଛି। ଏପରିସ୍ଥଳେ ଆମେରିକାର କାଲିର୍ଫନିଆ ବିଶ୍ୱବିଦ୍ୟାଳୟର ସଂକ୍ରାମକ ରୋଗ ବିଶେଷଜ୍ଞ ଜୋନା ମୈଜେଟ୍ ୮୮୭ ମହାମାରୀ ଭୂତାଣୁର ତାଲିକା ପ୍ରସ୍ତୁତ କରିଛନ୍ତି। ସେଥିମଧ୍ୟରେ ୩୦ ଭୂତାଣୁ ଭବିଷ୍ୟତରେ ପୃଥିବୀରେ ତାଣ୍ଡବ ରଚିବାର ଶକ୍ତି ରଖିଥିବା ସେ ସୂଚନା ଦେଇଛନ୍ତି। ଏକ ଓ୍ବେବ୍ ପ୍ଲାଟଫର୍ମରେ ଜୋନା ଏହି ତାଲିକା ସମ୍ପର୍କରେ ଉଲ୍ଲେଖ କରିଛନ୍ତି। ଏସବୁ ଭୂତାଣୁ କରୋନାଠାରୁ ମଧ୍ୟ ଅଧିକ ଶକ୍ତିଶାଳୀ। ତାଲିକାର ଅବଶିଷ୍ଟ ଭୂତାଣୁ ମଧ୍ୟ ସଂକ୍ରମଣ ସୃଷ୍ଟି କରି ମରାନବ ସମାଜ ପ୍ରତି ବିପଦ ସୃଷ୍ଟି କରିବାର ଆାଙ୍କା ରହିଥିବା ଜୋନା କହିଛନ୍ତି। ସଂକ୍ରାମକ ଆଧାରରେ ତାଲିକାରେ ଥିବା ଭୂତାଣୁଗୁଡ଼ିକୁ ୩ ବର୍ଗରେ ବିଭକ୍ତ କରାଯାଇଛି। ସେସବୁ ବର୍ଗଗୁଡ଼ିକରେ ରାଷ୍ଟ୍ରୀୟସ୍ତର, କ୍ଷେତ୍ରୀୟସ୍ତରରେ ସଂକ୍ରମଣ ସୃଷ୍ଟି କରୁଥିବା ଭୂତାଣୁ ଏବଂ ଅର୍ଦ୍ଧ ପୃଥିବୀ( ସେମି ଗ୍ଲୋବାଲ) ସ୍ତରରେ ସଂକ୍ରମଣ ସୃଷ୍ଟି କରୁଥିବା ଭୂତାଣୁକୁ ସ୍ଥାନୀତ କରାଯାଇଛି।
