ଛତ୍ରପୁର,୨୮।୬(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ଉପକଣ୍ଠ ଗଞ୍ଜାମ ଥାନା ଅଧୀନ କରପଡା ଗ୍ରାମର ବୃନ୍ଦାବନ ଚର୍ତିଙ୍କ ଘରୁ ବିଳମ୍ବିତ ରାତିରେ କଳକନା ବୁଲାଇଛନ୍ତି ଦୁର୍ବୃତ୍ତ । ବୃନ୍ଦାବନ ଓ ତାଙ୍କ ସ୍ତ୍ରୀ ସୁନିତା ଘରେ ଶୋଇଥିବା ବେଳେ ଦୁର୍ବୃତ୍ତମାନେ ଘରର ପଛପଟେ ଆସି ୨୦ ଭରି ସୁନା, ୧୦ ଭରି ରୁପା ଏବଂ ୧୫ ହଜାର ଟଙ୍କା ଚୋରି କରି ନେଇଯାଇଥିବା ଅଭିଯୋଗ ହୋଇଛି । ଏପରିକି ଚୋରମାନେ ଫ୍ରିଜରେ ଥିବା ପାଣି ବୋତଲ ଆଣି ପିଇବା ସହ ବିଭିନ୍ନ କାଗଜପତ୍ର ସହ ଦୁଇଟି ଭ୍ୟାନିଟି ବ୍ୟାଗ ନେଇ ବାଡ଼ି ପଟେ ଭିଙ୍ଗି ଦେଇ ଚାଲିଯାଇଛନ୍ତି। ସକାଳୁ ଉଠି ପରିବାର ଲୋକ ଏହା ଦେଖିବା ପରେ ପୋଲିସକୁ ଖବର ଦେଇଥିଲେ। ଖବରପାଇ ଗଞ୍ଜାମ ଅତିରିକ୍ତ ଏସ୍ପି ଠାକୁର ପ୍ରସାଦ ପାତ୍ର, ଏସ୍ଡିପିଓ ଗୈାତମ କିଷାନ, ଗଞ୍ଜାମ ଓ ଛତ୍ରପୁର ଥାନା ଅଧିକାରୀ, ସାଇଣ୍ଟିଫିକ୍ ଟିମ ଓ ସନ୍ଧାନୀ କୁକୁର ପହଞ୍ଚି ଖୋଲତାଡ ଆରମ୍ଭ କରିଛନ୍ତି । ପୋଲିସ ବିଭିନ୍ନ ସ୍ଥାନରୁ ସିସି ଟିଭି ଫୁଟେଜ ମଧ୍ୟ ଯାଞ୍ଚ କରୁଛି ।
