ଶଶିକଳାଙ୍କ ସହ କଥାବାର୍ତ୍ତା କରିବା ପଡିଲା ମହଙ୍ଗା: ୧୬ ନେତା ଦଳରୁ ବହିଷ୍କୃତ

ଚେନ୍ନାଇ,୧୪।୬: ଏଆଇଡିଏମ୍‌କେ ସୋମବାର ଦଳର ୧୬ ଜଣ ନେତାଙ୍କୁ ଦଳରୁ ବହିଷ୍କାର କରିଛି। ଏହି ନେତାମାନେ ଦଳର ପୂର୍ବତନ ନେତା ଭି.କେ ଶଶିକଳାଙ୍କ ସହ କଥାବାର୍ତ୍ତା କରିଥିଲେ। ପାର୍ଟି ବିରୋଧୀ କାର୍ଯ୍ୟକଳାପ ଅଭିଯୋଗରେ ଏଆଇଡିଏମ୍‌କେ ମୁଖପାତ୍ର ଭି ପୁଗାଝେନ୍ଦିଙ୍କୁ ମଧ୍ୟ ଦଳରୁ ବହିଷ୍କୃତ କରାଯାଇଛି। ଦଳ ପକ୍ଷରୁ ଜାରି ବିବୃତ୍ତିରେ ଏଆଇଏଡିଏମକେ ପାର୍ଟି କ୍ୟାଡରଙ୍କ ସହ ଶଶିକଳାଙ୍କ ଫୋନ କଥାବାର୍ତ୍ତାକୁ ‘ଡ୍ରାମା’ ବୋଲି କହିଛି। ଏଥିରେ କୁହାଯାଇଛି ଯେ, ଗୋଟିଏ ପରିବାରର ଇଚ୍ଛା ପାଇଁ ଦଳ ନିଜକୁ କେବେ ବି ନଷ୍ଟ କରିବ ନାହିଁ। ଶଶିକଳାଙ୍କ ସହ କଥା ହୋଇଥିବା ପ୍ରତ୍ୟେକ ନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଦଳ କହିଛି।