ସବୁ ସ୍ପିନର୍‌ ବିବାହ କରିବା ଉଚିତ୍‌; କାହିଁକି ଏମିତି କହିଲେ ଚହଲ

ଭାରତୀୟ ସ୍ପିନର ୟୁଜଭେନ୍ଦ୍ର ଚହଲ ସୋସିଆଲ ମିଡିଆରେ ଅନ୍ୟ କ୍ରିକେଟରଙ୍କ ପୋଷ୍ଟ ଉପରେ ମଜାଳିଆ ମନ୍ତବ୍ୟ ଦିଅନ୍ତି। ସେ ନିଜେ ବହୁତ ସକ୍ରିୟ ରୁହନ୍ତି, ତାଙ୍କ ସ୍ତ୍ରୀ ଧନଶ୍ରୀ ମଧ୍ୟ ତାଙ୍କ ପ୍ରଶଂସକଙ୍କ ସହ ଡ୍ୟାନ୍ସ ଭିଡିଓ ଶେୟାର କରନ୍ତି। ନିକଟରେ ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରୁଥିବାବେଳେ ଚହଲ ବିବାହ ବିଷୟରେ କହିଥିଲେ। ସେ କହିଛନ୍ତି ଯେ, ପ୍ରତ୍ୟେକ ସ୍ପିନରଙ୍କୁ ବିବାହ କରିବା ଉଚିତ୍‌। ଭିଡିଓରେ ଧନଶ୍ରୀ ବର୍ମା ମଧ୍ୟ ତାଙ୍କ ସହ ଉପସ୍ଥିତ ଅଛନ୍ତି। ଏହି ଭିଡିଓ ଉପରେ ଆଫଗାନିସ୍ତାନ ସ୍ପିନର ରସିଦ ଖାନ ଏକ ମଜାଦାର ମନ୍ତବ୍ୟ ଦେଇଛନ୍ତି।
ଲେଗ ସ୍ପିନର ଚହଲ ଇନଷ୍ଟାଗ୍ରାମରେ ଧନଶ୍ରୀଙ୍କ ସହ ଏକ ମଜାଦାର ଭିଡିଓ ସେୟାର କରିଛନ୍ତି। ସେ ଏକ ନୂଆ ଭିଡିଓ ଆପକୁ ଆସିବା ବିଷୟରେ ମଧ୍ୟ କହିଥିଲେ। ଭିଡିଓରେ ଚାହଲ କହିଛନ୍ତି, ମୁଁ ଭାବୁଛି ପ୍ରତ୍ୟେକ ସ୍ପିନର ବିବାହ କରିବା ଉଚିତ୍‌, ଯେଉଁଥିରେ ଧନଶ୍ରୀ ଉତ୍ତର ଦେଇ କହିଥିଲେ, ବିବାହ ଠିକ ଅଛି କିନ୍ତୁ ପ୍ରତ୍ୟେକ ସ୍ପିନର କାହିଁକି? ଆଖି ପିଛୁଳାକେ ଚହଲ ଉତ୍ତର ଦେଲେ, କାରଣ ମୁଁ ମୋ ସ୍ତ୍ରୀଙ୍କଠାରୁ ଗୁଗଲି ଶିଖିଥିଲି। ଆଫଗାନିସ୍ତାନର ଷ୍ଟାର ସ୍ପିନର ରସିଦ ଖାନ ମଧ୍ୟ ଏହାର ଜବାବ ଦେଇଛନ୍ତି। ରସିଦ ଲେଖିଛନ୍ତି ଯେ ସେ ବିବାହ ନକରି ଗୁଗଲି କିପରି ଜାଣନ୍ତି। ସେ ଏକ ହସୁଥିବା ଇମୋଜି ମଧ୍ୟ ପୋଷ୍ଟ କରିଥିଲେ। ଏହି ଭିଡିଓକୁ ଏପର୍ଯ୍ୟନ୍ତ ୧୩.୫ ଲକ୍ଷରୁ ଅଧିକ ଥର ଦେଖାଯାଇଥିବାବେଳେ ୧୭୦୦ରୁ ଅଧିକ କମେଣ୍ଟ ଦିଆଯାଇଛି।