ଛାତ୍ରଙ୍କ ସହ ଫେରାର୍‌ ହେଲେ ଟ୍ୟୁସନ୍‌ ଦିଦି

ପାନିପତ୍‌,୧।୬: ହରିୟାଣାର ପାନିପତ୍‌ରେ ଏକ ଲଜ୍ଜାଜନକ ଘଟଣା ଘଟିଛି। ଏଠାରେ ଏକାଦଶ ଶ୍ରେଣୀରେ ପଢୁଥିବା ଜଣେ ୧୭ ବର୍ଷର ଛାତ୍ରଙ୍କ ସହ ଫେରାର ହୋଇଯାଇଛନ୍ତି ଟ୍ୟୁସନ୍‌ ଦିଦି। ପାନିପତର ଦେଶରାଜ କଲୋନୀରେ ଏହି ଘଟଣା ସାମ୍ନାକୁ ଆସିଛି। ସମ୍ପୃକ୍ତ ମହିଳା ଜଣଙ୍କ ପୂର୍ବରୁ ବିବାହ କରିଥିଲେ। ସ୍ବାମୀଙ୍କଠାରୁ ଛାଡପତ୍ର ନେଇ ନିଜ ଘରେ ରହୁଥିଲେ। ଛାତ୍ରଙ୍କ ପିତା ପୋଲିସ ଷ୍ଟେଶନରେ ଏନେଇ ଏକ ମାମଲା ରୁଜୁ କରିଛନ୍ତି। ସେ କହିଛନ୍ତି ଯେ, ମେ ୨୯ ଦିନ ଦିଦିଙ୍କ ଘରକୁ ଟ୍ୟୁସନ୍‌ ହେବାକୁ ତାଙ୍କ ପୁଅ ଯାଇଥିଲା। ଏହାପରଠାରୁ ସେ ଆଉ ଫେରିନାହିଁ। ଶିକ୍ଷୟତ୍ରୀଙ୍କ ପରିବାର ଲୋକେ ପ୍ରଥମେ ଏନେଇ କୌଣସି ପ୍ରତିକ୍ରିୟା ଦେଇ ନ ଥିଲେ। କିନ୍ତୁ ବିଳମ୍ବ ହେବା ପରେ ଶିକ୍ଷୟତ୍ରୀଙ୍କ ପିତା ମଧ୍ୟ ତାଙ୍କ ଝିଅ ଘରେ ନ ଥିବା କହିଥିଲେ। ପୋଲିସ ଅଭିଯୁକ୍ତ ଶିକ୍ଷୟତ୍ରୀଙ୍କ ନାଁରେ ଏକ ଅପହରଣ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ପୋଲିସ ଏବେ ଶିକ୍ଷୟତ୍ରୀ ଏବଂ ଛାତ୍ରଙ୍କୁ ଖୋଜୁଛି। ଫେରାର ହେବା ପରେ ଉଭୟଙ୍କ ମୋବାଇଲ୍‌ ସୁଇଚ୍‌-ଅଫ୍‌ ଆସୁଛି। ସୂଚନାଯୋଗ୍ୟ, ଗତ ଦୁଇ ବର୍ଷ ହେବ ଛାତ୍ର ଜଣଙ୍କ ମହିଳାଙ୍କ ପାଖରେ ଟ୍ୟୁସନ୍‌ ହେଉଥିଲେ। ଲକ୍‌ଡାଉନ୍‌ରେ ସ୍କୁଲ ବନ୍ଦ ଥିବାରୁ ମହିଳାଙ୍କ ପାଖରେ ୪ ଘଣ୍ଟା ପାଠ ପଢୁଥିଲେ ଛାତ୍ର।