ସେଣ୍ଟ ପିଟର୍ସବର୍ଗ,୧୬।୬(ଏପି): ୟୁରୋ କପ୍ ଫୁଟ୍ବଲରେ ସ୍ଲୋଭାକିଆ ବିଜୟ ସହ ଅଭିଯାନ ଆରମ୍ଭ କରିଛି। ସ୍ଥାନୀୟ କ୍ରେସୋଭସ୍କି ଷ୍ଟାଡିୟମରେ ସୋମବାର ଖେଳାଯାଇଥିବା ମ୍ୟାଚ୍ରେ ସ୍ଲୋଭାକିଆ ୨-୧ ଗୋଲରେ ପୋଲାଣ୍ଡକୁ ପରାସ୍ତ କରିଛି। ଏଥିସହ ସ୍ଲୋଭାକିଆ ୩ ପଏଣ୍ଟ ହାସଲ କରି ଗ୍ରୁପ୍ ଇ’ର ଶୀର୍ଷ ସ୍ଥାନ ଅଧିକାର କରିଛି। ସାରା ମ୍ୟାଚ୍ରେ ଜବରଦସ୍ତ ସଂଘର୍ଷ ଦେଖିବାକୁ ମିଳିଥିଲା।
ପୋଲାଣ୍ଡ ପାଇଁ ଆତ୍ମଘାତୀ ଗୋଲ ମହଙ୍ଗା ସାବ୍ୟସ୍ତ ହୋଇଥିଲା। ମ୍ୟାଚ୍ର ୧୮ତମ ମିନିଟ୍ରେ ପୋଲାଣ୍ଡ ଗୋଲକିପର ଓଜସିଏକ ସଜେସ୍ନି ଏକ ଆତ୍ମଘାତୀ ଗୋଲ ସ୍କୋର କରି ସ୍ଲୋଭାକିଆକୁ ଅଗ୍ରଣୀ କରାଇଥିଲେ। ଜଣେ ଗୋଲକିପର ଆତ୍ମଘାତୀ ଗୋଲ କରିବା ଏହି ଟୁର୍ନାମେଣ୍ଟରେ ଏକଦମ ନୂଆ ଲାଗୁଛି। ତେବେ ଏହା ସତରେ ପରିଣତ ହୋଇଛି। ୟୁରୋ କପ୍ ଇତିହାସରେ ଏହା ଏକ ଅଲୋଡା ବିରଳ ରେକର୍ଡ ସାବ୍ୟସ୍ତ ହୋଇଛି। କିନ୍ତୁ ଏହି ଗୋଲ ପାଇଁ ସଜେସ୍ନିଙ୍କୁ ଦାୟୀ କରାଯିବା ଉଚିତ ହେବ ନାହିଁ। ଜୁଭେଣ୍ଟସ୍ର ଏହି ଗୋଲକିପରଙ୍କ ପାଖକୁ ପାଖ ପୋଷ୍ଟରୁ ବଲ୍ ରିବାଉଣ୍ଡ କରିଥିଲା ଓ ଏହା ତାଙ୍କ ହାତରେ ବାଜି ନେଟ୍କୁ ଚାଲି ଯାଇଥିଲା।
ଏହାପରେ ଅବଶ୍ୟ ପୋଲଣ୍ଡ ପ୍ରତ୍ୟାବର୍ତ୍ତନ କରିଥିଲା। ପ୍ରଥମାର୍ଦ୍ଧ ପରେ ୪୬ତମ ମିନିଟ୍ରେ କାରୋଲ ଲିନେଟି ଗୋଲ ଦେଇ ମ୍ୟାଚ୍କୁ ୧-୧ ସମାନ ସ୍ଥିତିକୁ ଆଣିଥିଲେ। କିନ୍ତୁ ୬୯ତମ ମିନିଟ୍ରେ ସେଣ୍ଟରବ୍ୟାକ୍ ମିଲାନ ସ୍କ୍ରିନିୟାର ଗୋଲ ଦେଇ ସ୍ଲୋଭାକିଆକୁ ୨-୧ ଗୋଲରେ ଅଗ୍ରଣୀ କରାଇଥିଲେ। ଏହାପରେ ଉଭୟ ଦଳ ଏକାଧିକ ସୁଯୋଗ ପାଇଥିଲେ ମଧ୍ୟ ଗୋଲ ସମ୍ଭବ ହୋଇ ନ ଥିଲା। ଫଳରେ ସ୍ଲୋଭାକିଆ ବିଜୟୀ ହୋଇଥିଲା। ଏହି ମୁକାବିଲାରେ କଡ଼ା ସଂଘର୍ଷ ଦେଖିବାକୁ ମିଳିଥିଲା। ସ୍ଲୋଭାକିଆ ପାଇଁ ଏହି ବିଜୟ ବେଶ୍ ମୂଲ୍ୟବାନ ସାବ୍ୟସ୍ତ ହୋଇଛି। ଅଧିନାୟକ ରବର୍ଟ ଲିଓ୍ବାନଡୋସ୍କିଙ୍କ ଯାଦୁ ଏହି ମ୍ୟାଚ୍ରେ କାମରେ ଆସି ନ ଥିଲା। ତେଣୁ ପୋଲାଣ୍ଡ ପାଇଁ ଏହା ସବୁଠାରୁ ଖରାପ ଦିନ ସାବ୍ୟସ୍ତ ହୋଇଛି। ଏଭଳି ଦୁର୍ଭାଗ୍ୟଜନକ ଭାବେ ମ୍ୟାଚ୍ ହାରିବା ପୋଲାଣ୍ଡ ପାଇଁ ବେଶ୍ ମହଙ୍ଗା ସାବ୍ୟସ୍ତ ହୋଇଛି। ପୋଲାଣ୍ଡ ଗ୍ରୁପ୍ ଇ’ରେ ଏବେ ସ୍ପେନ୍ ଓ ସ୍ବିଡେନଙ୍କୁ ଭେଟିବ।
ସୁନ୍ଦରଗଡ଼,୨୭।୬: ସୁନ୍ଦରଗଡ଼ ଜିଲା ଜିଲା ଶିକ୍ଷା ବିଭାଗର ଖାମଖିଆଲ ଯୋଗୁ ବାହାର ରାଜ୍ୟର ଜଣେ ବ୍ୟକ୍ତିଙ୍କ ଆକାଉଣ୍ଟକୁ ଚାଲିଯାଇଥିଲା ୪୮…
ବରଗଡ଼ ଅଫିସ,୨୮ା୬: ବରଗଡ଼ ଜିଲାରେ ଧାନ ବିକ୍ରି ସମସ୍ୟା ଯେଭଳି ବଢି ଚାଲିଛି ଏହାର ପ୍ରତିବାଦରେ ଆନ୍ଦୋଳନ ମଧ୍ୟ ସେଭଳି…
ବେଗୁନିଆ,୨୮।୬(ଡି.ଏନ୍.ଏ.): ତମାଖୁ ବିକ୍ରି ଓ ସେବନ ରୋକିବା ପାଇଁ ସିଗାରେଟ ଏବଂ ଅନ୍ୟାନ୍ୟ ତମାଖୁ ଦ୍ରବ୍ୟ ନିବାରଣ ଆଇନ(କୋଟପା) ରହିଛି।…
ଜଗତ୍ସିଂହପୁର ଅଫିସ,୨୮ା୬: ଆଳିପିଙ୍ଗଳସ୍ଥିତ ଜଗତ୍ସିଂହପୁର ଉପକାରାଗାର ଏକ ପ୍ରକାର ଅସୁରକ୍ଷିତ ହୋଇପଡିଛି। କାରାଗାର ଦକ୍ଷିଣ ପାର୍ଶ୍ୱରେ ଡି ୱାଲ୍ (ପାଚେରି)…
ଅନୁଗୋଳ ଅଫିସ,୨୮ା୬: ଅନୁଗୋଳ ଜିଲାର ୮ଟି ବ୍ଲକରେ ଥିବା ଡିଲରମାନଙ୍କ ନିକଟରେ ସାଧାରଣ ବଣ୍ଟନ ବ୍ୟବସ୍ଥା (ପିଡିଏସ୍)ରେ ଚାଉଳ ଓ…
ଦେବଗଡ଼,୨୭ା୬: ଦେବଗଡ଼ ଜିଲାରୁ ଚିହ୍ନଟ ହୋଇଥିବା ରାଜ୍ୟର ପ୍ରଥମ ଡେଲ୍ଟା ପ୍ଲସ ସଂକ୍ରମିତ ସୁସ୍ଥ ହୋଇଛନ୍ତି। ଦେବଗଡ଼ ଜିଲା ବାରକୋଟ…
This website uses cookies.