ହସ୍ପିଟାଲ୍‌ରେ ଭର୍ତ୍ତି ହେଲେ ଏହି କ୍ରିକେଟର୍‌: ସ୍ତ୍ରୀ ହେଲେ ଭାବୁକ

ଦକ୍ଷିଣ ଆଫ୍ରିକା କ୍ରିକେଟ୍‌ ଦଳର ପୂର୍ବତନ ଅଧିନାୟକ ଫାଫ୍‌ ଡୁପ୍ଲେସିସ୍‌ ପାକିସ୍ତାନ ସୁପର୍‌ ଲିଗ୍‌ର ଏକ ମ୍ୟାଚ୍‌ରେ ଫିଲ୍ଡିଂ କରୁଥିବାବେଳେ ଆହତ ହୋଇଯାଇଛନ୍ତି। ଏବେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଫାଫ୍‌ ଆହତ ହେବାରୁ ତାଙ୍କ ସ୍ତ୍ରୀ ଇମାରୀ ଚିନ୍ତାରେ ପଡି ଯାଇଛନ୍ତି। ସେ ସୋସିଆଲ ମିଡିଆରେ ଏକ ଭାବୁକ ପୋଷ୍ଟ ଲେଖିଛନ୍ତି। ଇମାରୀ ନିଜ ଇନ୍‌ଷ୍ଟାଗ୍ରାମରେ ଏକ ଫଟୋ ଶେୟାର କରି କହିଛନ୍ତି, ମୋତେ ଭାରି ଚିନ୍ତା ଲାଗୁଛି, ହସ୍ପିଟାଲରେ ଯାଞ୍ଚ୍‌ ହେବା ନିହାତି ଆବଶ୍ୟକ। ପେଶୱାର ଦଳର ଇନିଂସର ସପ୍ତମ ଓଭରର ଚତୁର୍ଥ ବଲରେ ଫିଲ୍ଡିଂ କରୁଥିବାବେଳେ ଫାଫ ଆହତ ହୋଇଥିଲେ। ଡେଭିଡ ମିଲର ଏକ ସଟ ଖେଳୁଥିବାବେଳେ ବଲ ଧରିବା ପାଇଁ ଫାଫ ଏବଂ ହୁସେନ ଦୌଡ଼ିଥିଲେ କିନ୍ତୁ ସୀମା ନିକଟରେ ବଲ ଧରିବାବେଳେ ଫାଫ ଖସିପଡିଥିଲେ। ହୁସେନଙ୍କ ପାଦ ତାଙ୍କ ମୁଣ୍ଡକୁ ଆଘାତ କରିଥିଲା ଏବଂ ସେ ତଳେ ପଡ଼ିଗଲା। ପରେ ତାଙ୍କୁ ସ୍କାନ ପାଇଁ ଡାକ୍ତରଖାନା ନିଆଯାଇଥିଲା।