ଜେଲ୍‌ରୁ ମହାନ୍‌ କ୍ରିକେଟର୍‌: ଦଳକୁ କରିଥିଲେ ବିଶ୍ୱ ଚାମ୍ପିଅନ୍‌

ଇଂଲଣ୍ଡ ମହାନ ଖେଳାଳି ବେନ ଷ୍ଟୋକ୍ସ ଆଜି ୩୦ତମ ଜନ୍ମଦିନ ପାଳନ କରୁଛନ୍ତି। ଏବେ ସେ ଦୁନିଆର ସର୍ବୋତ୍ତମ ଅଲରାଉଣ୍ଡରମାନଙ୍କ ମଧ୍ୟରୁ ଜଣେ। ୨୦୧୧ରେ ଇଂଲଣ୍ଡ ପାଇଁ ଡେବ୍ୟୁ କରିଥିବା ଷ୍ଟୋକ୍ସ ପ୍ରଥମ ଦୁଇ ବର୍ଷରେ ଅଧିକ କିଛି କରିପାରି ନଥିଲେ। ୨୦୧୩ ଆଶେସ ସିରିଜର ପର୍ଥ ଟେଷ୍ଟରେ ସେ ପ୍ରଥମ ଥର ପାଇଁ ନିଜର ଦକ୍ଷତା ପ୍ରଦର୍ଶନ କରିବାର ସୁଯୋଗ ପାଇଲେ। ପର୍ଥରେ ଷ୍ଟୋକ୍ସ ଷଷ୍ଠ ନମ୍ବରରେ ବ୍ୟାଟିଂ ବ୍ୟାଟିଂର ଚତୁର୍ଥ ଇନିଂସରେ ୧୨୦ ରନ ସଂଗ୍ରହ କରିଥିଲେ। ଏହା ପରେ ଷ୍ଟୋକ୍ସ ପଛକୁ ଫେରି ନାହାନ୍ତି।
ବେନ ଷ୍ଟୋକ୍ସ ଇଂଲଣ୍ଡ ଦଳକୁ ଆସିବା ପରେ ପ୍ରଥମ ବର୍ଷରେ ତାଙ୍କର ଅସଦାଚରଣ ପାଇଁ ଚର୍ଚ୍ଚାରେ ଥିଲେ। ଗତ ଦଶ ବର୍ଷ ମଧ୍ୟରେ ଷ୍ଟୋକ୍ସଙ୍କୁ ମଧ୍ୟ ଦୁଇଥର ଗିରଫ କରାଯାଇଛି। ୨୦୧୨ ମସିହାରେ ଷ୍ଟୋକ୍ସଙ୍କୁ ଗିରଫ କରାଯାଇଥିଲା ଏବଂ ପରେ ପୋଲିସ ଚେତାବନୀ ଦେଇ ଛାଡିଥିଲା। ୨୦୧୩ରେ, ବିଳମ୍ବିତ ରାତିରେ ମଦ୍ୟପାନ ଅଭିଯୋଗରେ ତାଙ୍କୁ ଇଂଲଣ୍ଡ ଲାୟନ୍ସ ଗସ୍ତରୁ ଘରକୁ ପଠାଯାଇଥିଲା। କିନ୍ତୁ କ୍ରିକେଟରେ ନିଜ ଶ୍ରେଷ୍ଠତ୍ୱ ଦେବାକୁ ସେ ଆଦୌ ଭୁଲି ନ ଥିଲେ। ନିଜ ଅଲରାଉଣ୍ଡର ପ୍ରଦର୍ଶନ ଜରିଆରେ ସେ ୨୦୧୯ ବିଶ୍ୱକପ୍‌ରେ ଇଂଲଣ୍ଡକୁ ଚାମ୍ପାୟନ କରାଇଥିଲେ।