କେମିତି ବଢ଼ିବ ବାପା-ପୁଅଙ୍କ ଭିତରେ ସମ୍ପର୍କ

ଅନେକ ସମୟରେ ଛୋଟଛୋଟ କଥାକୁ ନେଇ ବାପା-ପୁଅଙ୍କ ଭିତରେ ମନମତାନ୍ତର ହେଉଥିବାର ଦେଖିବାକୁ ମିଳିଥାଏ। ଏହା ପଛରେ ବି ବାସ୍ତୁଦୋଷ ରହୁଥିବା ଅନୁମାନ କରାଯାଏ। ତେବେ କ’ଣ ସେହି ବାସ୍ତୁଦୋଷ ଆଉ କ’ଣ ରହିଛି ତା’ର ପ୍ରତିକାର ଆସନ୍ତୁ ଜାଣିବା ସେ ସମ୍ପର୍କରେ…

*ବାସ୍ତୁଶାସ୍ତ୍ର ଅନୁସାରେ ଘରର ଉତ୍ତର-ପୂର୍ବ ଦିଗରେ ଯଦି ଅଳିଆ ଆବର୍ଜନା ଜମା ରହୁଥିବ, ତା’ହେଲେ ତାହା ଗୃହରେ ନକାରାତ୍ମକ ଉର୍ଜ୍ଜା ଉତ୍ପନ୍ନ କରିବା ସହ ବାପା-ପୁଅଙ୍କ ଭିତରେ ତିକ୍ତତା ସୃଷ୍ଟି କରିବ।
*ତେଣୁ ଏଥିରୁ ମୁକ୍ତି ପାଇବା ପାଇଁ ଘରର ଉତ୍ତର-ପୂର୍ବ କୋଣକୁ ସର୍ବଦା ସଫାସୁତୁରା ରଖିବା ଦରକାର।
*ସେହିପରି କୁହାଯାଏ, ଉତ୍ତର-ପୂର୍ବ କୋଣରେ କୌଣସି ଭାରି ଜିନିଷ ରଖିଲେ କିମ୍ବା ଏହି ଦିଗରେ ରୋଷେଇଘର ଅଥବା ଶୌଚାଳୟ ଥିଲେ, ଏହା ମଧ୍ୟ ବାପା-ପୁଅଙ୍କ ସ୍ବାସ୍ଥ୍ୟ ଉପରେ ପ୍ରତିକୂଳ ପ୍ରଭାବ ପକାଇଥାଏ।
*ଅନ୍ୟପକ୍ଷେ ଉତ୍ତର-ପୂର୍ବ କୋଣରେ କିଛି ବି ଜ୍ୱଳନଶୀଳ ପଦାର୍ଥ ଅବା ଗରମ ଉତ୍ପନ କରୁଥିବା କୌଣସି ଉପକରଣ ରଖିଥିଲେ, ଏହାର ପ୍ରଭାବରେ ପୁଅମାନଙ୍କର ବ୍ୟବହାର ଖୁବ୍‌ ରୁକ୍ଷ ହୋଇଥାଏ, ଯଦ୍ଦ୍ବାରା ସେମାନେ ବାପାଙ୍କର କୌଣସି କଥାକୁ ବି ସହଜରେ ଗ୍ରହଣ କରି ନଥାନ୍ତି।
*ସେହିପରି ଘରର ଉତ୍ତର-ପୂର୍ବ କୋଣ ଯଦି ଅନ୍ୟ କୋଣ ତୁଳନାରେ ସାମାନ୍ୟ ଉଚ୍ଚା ହୋଇଥାଏ, ତା’ହେଲେ ଏହାର କୁ-ପ୍ରଭାବ ମଧ୍ୟ ବାପା-ପୁଅଙ୍କ ସମ୍ପର୍କ ଉପରେ ପଡ଼ିଥାଏ।