ଏଇ ଭାରତରେ

କୃଷକମାନଙ୍କ ପାଇଁ ସବୁ ଋତୁ ଉପଯୋଗୀ ଜୋତା ତିଆରି କରିଛନ୍ତି ଅହମଦାବାଦର ନ୍ୟାଶନାଲ ଇନଷ୍ଟିଚ୍ୟୁଟ ଅଫ୍‌ ଡିଜାଇନର ୩ ଡିଗ୍ରୀଧାରୀ। ନକୁଳ ଲଥକର, ବିଦ୍ୟାଧର ଭଣ୍ଡାରେ, ସନ୍ତୋଷ କୋଚେରଲାକୋଟା ମହାରାଷ୍ଟ୍ରର ଓ୍ବାଥର ଏବଂ ନଣ୍ଡେଡ ଗାଁରେ କୃଷକମାନଙ୍କ ସହ ୬ ମାସ ବିତାଇବା ପରେ ଏଭଳି ଜୋତା ତିଆରି କରିବାକୁ ସକ୍ଷମ ହୋଇଛନ୍ତି। ଏହି ଜୋତା ଶସ୍ତା ଓ ଜଳପ୍ରତିରୋଧୀ । ଅତ୍ୟଧିତ୍କ ଉତ୍ତାପ ଓ ଥଣ୍ଡା ଏବଂ ବର୍ଷାରେ ଚାଷ କରିବା ଏକ ମୁଖ୍ୟ ସମସ୍ୟା ବାଲି ଅନୁଧ୍ୟାନ କରିବା ପରେ ୨୦୧୯ର ଶେଷାର୍ଦ୍ଧରେ ସେମାନେ ଆର୍ଥେନ ଟ୍ୟୁନ୍ସ କମ୍ପାନୀ ପ୍ରତିଷ୍ଠା କରି ଏହି ଜୋତା ତିଆରି କରୁଛନ୍ତି। ଏବେ ସୁଦ୍ଧା ସେମାନେ ୩୦ ଜଣ କୃଷକଙ୍କୁ ଜୋତା ଯୋଗାଇ ଦେଇ ସାରିଲେଣି। ଏହାର ମୂଲ୍ୟ ୩୦୦ ଟଙ୍କା। ଏହି ଜୋତା ସର୍ପାଘାତରୁ ବି ରକ୍ଷା କରିପାରିବ। ଏବେ ଆଉ ୧,୦୦୦ ଜୋତା ତିଆରି କରାଯାଉଛି। ସେମାନେ ତାମିଲନାଡୁର ଅମ୍ବୁରରେ ଜୋତା ତିଆରି କରୁଥିତ୍ବା ଲୋକମାନଙ୍କୁ ଏହି କାର୍ଯ୍ୟରେ ଲଗାଇଛନ୍ତି। ଏଥିରେ ମୁଖ୍ୟତଃ ଉଲ୍‌ ବ୍ଲଙ୍କେଟ୍‌ ଉପଯୋଗ କରାଯାଉଛିି ଓ ଏହାକୁ ଉତ୍ତରାଖଣ୍ଡରୁ ସଂଗ୍ରହ କରାଯାଉଛି। ଏହି ଅଭିଯାନକୁ ଆଗକୁ ବଢିବା ପାଇଁ ଆଇଆଇଟି ମାଡ୍ରାସ ତିନି ବନ୍ଧୁଙ୍କୁ ୧୦ ଲକ୍ଷ ଟଙ୍କା ଯୋଗାଇ ଦେଇଛି।