ନୁସ୍‌ରତଙ୍କ ସମସ୍ୟା ବଢ଼ିଲା

ବ୍ୟବସାୟୀ ନିଖିଲ ଜୈନଙ୍କ ସହ ବିବାହ ଭାରତୀୟ ଆଇନ ଅନୁସାରେ ବୈଧ ନୁହେଁ ବୋଲି ଟିଏମ୍‌ସି ଏମ୍‌ପି ନୁସ୍‌ରତ ଜହାଁ କହିବା ପରଠାରୁ ବିବାଦ ଘନେଇବାରେ ଲାଗିଛି। ଶଙ୍ଖା ସିନ୍ଦୂର ପିନ୍ଧି ଜଣେ ବ୍ୟକ୍ତିଙ୍କୁ ସ୍ବାମୀ ମାନିବା ପରେ ନିଜକୁ ଅବିବାହିତା କହି ଦେଇ ନୁସ୍‌ରତ ଭାରତୀୟ ସଂସ୍କୃତିକୁ ଅପମାନିତ କରିଥିବା ପଶ୍ଚିମବଙ୍ଗର ଭାଜପା ସଭାପତି ଦିଲୀପ ଘୋଷ ସମାଲୋଚନା କରିଛନ୍ତି। ଏଥିସହ ନୁସ୍‌ରତ ପାର୍ଲାମେଣ୍ଟରେ ମିଥ୍ୟା ପ୍ରମାଣପତ୍ର ରଖିଥିବାରୁ ତାଙ୍କ ବିରୋଧରେ ବାଚସ୍ପତି ଓମ୍‌ ବିର୍ଲା କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ବୋଲି ଭାଜପା ଏମ୍‌ପି ସଂଘମିତ୍ରା ମୌର୍ଯ୍ୟ ଚିଠି ଲେଖିଛନ୍ତି। ତୁର୍କୀ ରୀତିନୀତି ଅନୁଯାୟୀ ବିବାହ ହୋଇଥିବାରୁ ଭାରତରେ ତାହାକୁ ‘ଲିଭ୍‌-ଇନ୍‌’ ରିଲେଶନ କୁହାଯିବ ବୋଲି ଜୁନ ୯ରେ ନୁସ୍‌ରତ କହିଥିଲେ। ନୁସ୍‌ରତ ଏବେ ଗର୍ଭବତୀ ଥିବାବେଳେ ପିଲାର ବାପା ସେ ନୁହନ୍ତି ବୋଲି ନିଖିଲ ପୂର୍ବରୁ କହିଛନ୍ତି।