ମୁମ୍ବାଇ, ୨୫।୬: ମହାରାଷ୍ଟ୍ରର ମୁମ୍ବାଇ ମହାନଗରୀରେ ପ୍ରାୟ ୨,୦୦୦ ଲୋକଙ୍କୁ କୋଭିଡ୍-୧୯ର ନକଲି ଟିକା ଦିଆଯାଇଛି। ସେହିପରି ପଶ୍ଚିମବଙ୍ଗର କୋଲକାତାରେ ମଧ୍ୟ ୫୦୦ ଲୋକ ଏଭଳି ଟିକା ନେଇଥିବା ଜଣାପଡ଼ିଛି। ସେମାନଙ୍କୁ ଟିକା ବଦଳରେ ଲୁଣ ପାଣି ଦିଆଯାଇଥିବା ଅଭିଯୋଗ ହୋଇଛି।
ଏହି ଘଟଣାରେ ମୁମ୍ବାଇର ଏକ ଘରୋଇ ହସ୍ପିଟାଲର ୨ ଡାକ୍ତରଙ୍କ ସମେତ ୧୦ ଜଣଙ୍କୁ ଗିରଫ କରାଯାଇଛି। ମୁମ୍ବାଇର ୯ଟି ସ୍ଥାନରେ ଏଭଳି ନକଲି ଟିକା ଦିଆଯାଉଥିଲା ବୋଲି ପୋଲିସ କମିଶନର ବିଶ୍ୱାସ ପାଟିଲ କହିଛନ୍ତି। ଅଭିଯୁକ୍ତଙ୍କଠାରୁ ୧୨.୪ ଲକ୍ଷ ଟଙ୍କା ଜବତ କରାଯାଇଛି। ସେହିପରି କୋଲକାତା ପୋଲିସ ନକଲି ଟିକାଦାନ ମାମଲାରେ ଜଣେ ଅଭିଯୁକ୍ତଙ୍କୁ ଗିରଫ କରିଛି। ସେ ନିଜକୁ ପ୍ରଶାସନିକ ଅଧିକାରୀର ପରିଚୟ ଦେଇ ଏଭଳି ୮ଟି ନକଲି ଟିକାକରଣ କ୍ୟାମ୍ପ ଚଳାଇଥିଲେ। ଗୋଟିଏ କ୍ୟାମ୍ପ୍ରେ ୨୫୦ ଜଣ ଭିନ୍ନକ୍ଷମ ଓ କିନ୍ନର ଏହି ଟିକା ନେଇଥିବା ପୋଲିସ କହିଛି। ଜବତ ଭାଏଲ୍ଗୁଡ଼ିକରେ ଜାଲ୍ କୋଭିଶିଲ୍ଡ ଲେବ୍ଲ ଲଗାଯାଇଥିଲା।
