ସୋସିଆଲ ମିଡିଆରେ କେତେବେଳେ କ’ଣ ଭାଇରାଲ ହେଉଛି ତା’ର ଠିକଣା ନାହିଁ। ଆଜିକାଲି ଇଣ୍ଟରନେଟ୍ରେ ଏକ କୁକୁରର ଏମିତି ଭିଡିଓ ଭାଇରାଲ ହେଉଛି, ଯାହା ଆପଣଙ୍କ ହୃଦୟକୁ ଛୁଇଁଯିବ। ଏମିତିରେ କୁକୁର ସବୁଠୁ ବିଶ୍ୱସ୍ତ। କୁକୁରଠାରୁ ମଣିଷର ଭଲ ବନ୍ଧୁ କେହି ନାହିଁ।
ଭିଡିଓରେ କୁକୁରଟି ଛୋଟ ଶିଶୁକୁ ଶିଡ଼ିରେ ଚଢ଼ିବା ସମୟରେ ଅଟକାଉଛି। କାରଣ ଶିଶୁଟି କାଳେ ପଡ଼ିଯିବ। ତାକୁ ଆଘାତ ଲାଗିବ। ଭିଡିଓରେ ସ୍ପଷ୍ଟ ଦେଖାଯାଉଛି ଶିଶୁଟି ଶିଡ଼ି ଚଢ଼ିବାକୁ ଚେଷ୍ଟା କରୁଛି। ମାତ୍ର କୁକୁର ଶିଡ଼ିରେ ତା’ ମୁଣ୍ଡ ରଖି ତାକୁ ବାଟ ଓଗାଳୁଛି। କେତେବେଳେ କେତେବେଳେ ପାଦ ଆଗକୁ ରଖିଦେଉଛି। କୁକୁରଟି ଏପରି କରିବାର ଉଦ୍ଦେଶ୍ୟ ହେଲା ଶିଶୁଟି କେମିତି ପଡ଼ି ନ ଯାଉ।
Happy Monday to this puppy preventing a baby climbing the stairs and to this puppy doggy only. pic.twitter.com/6BSktEb3pd
— Danny Deraney (@DannyDeraney) June 14, 2021
ଡ୍ୟାନି ଡେରେନି ନାମକ ଜଣେ ୟୁଜର ଭିଡିଓଟିକୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ଯାହାକି ଖୁବ୍ ଭାଇରାଲ ହେଉଛି। ଶିଶୁଟି ଯେତେଥର ଶିଡ଼ି ଚଢ଼ିବାକୁ ଚେଷ୍ଟା କରୁଛି କୁକୁରଟି ସେତେଥର ଅଟକାଉଛି। ଭିଡିଓଟିକୁ ବର୍ତ୍ତମାନ ସୁଦ୍ଧା ୭୦୦୦ରୁ ଅଧିକ ଥର ଲୋକେ ଦେଖିସାରିଲେଣି। ହଜାରରୁ ଊର୍ଦ୍ଧ୍ୱ ଲାଇକ୍ ମିଳିଛି। ଲୋକେ କୁକୁରର ଏପରି କାମକୁ ଖୁବ୍ ପ୍ରଶଂସା କରୁଛନ୍ତି।
