ରାଷ୍ଟ୍ରପତି ବାଇଡେନଙ୍କ ପୁଅ କଲ୍‌ଗର୍ଲଙ୍କୁ ଦେଲେ ୧୮ ଲକ୍ଷ ଟଙ୍କା, ଜାଣନ୍ତୁ କାହିଁକି

ଓ୍ବାଶିଂଟନ,୨୪ା୬: ଆମେରିକାର ରାଷ୍ଟ୍ରପତି ଜୋ-ବାଇଡେନଙ୍କ ପୁଅ ହଣ୍ଟର ବାଇଡେନ ୨୦୧୮ରେ ଜଣେ କଲ୍‌ଗର୍ଲଙ୍କ ସହିତ ହୋଟେଲରେ ରାତି କଟାଇଥିଲେ। ଯାହାକି ତାଙ୍କ ପିତା ଜୋ-ବାଇଡେନଙ୍କ ଉପରେ ପ୍ରଭାବ ପଡ଼ିଛି। ୨୦୧୮ରେ ଚେଟୋ ମାରମୋଣ୍ଟ ହୋଟେଲରେ ଜଣେ କଲ୍‌ଗର୍ଲଙ୍କ ସହ ବିତାଇଥିବା ରାତି ପାଇଁ ତାଙ୍କ ପିତାଙ୍କ ଆକାଉଣ୍ଟରୁ ପେମେଣ୍ଟ କରିଥିଲେ।

ହଣ୍ଟରଙ୍କ ଲାପ୍‌ଟପରେ ମେସେଜ, ଫଟୋ ଏବଂ ଅର୍ଥ ଲେଣଦେଣ ସମ୍ପର୍କରେ କିଛି ତଥ୍ୟ ମିଳିଛି। ଏକ ରିପୋର୍ଟ ଅନୁଯାୟୀ, ଏହି ଲାପଟପକୁ ହଣ୍ଟର ଏକ ଡାଏରୀ ପରି ବ୍ୟବହାର କରୁଥିଲେ। ଏହି ଲାପଟପରେ ଇମେଲ, କଥାବାର୍ତ୍ତା, ଅର୍ଥ ରେକର୍ଡ ଏବଂ ନିଜର କିଛି ସେଲ୍‌ଫି ଥିଲା। ଗୋଟିଏ ବର୍ଷ ପରେ ଏହି ଲାପ୍‌ଟପକୁ ମରାମତି କରିବା ପାଇଁ ଏକ ଦୋକାନରେ ଦେଇଥିଲେ। ଯାହା ପରେ ସେ ଏହାକୁ ଭୁଲି ଯାଇଥିଲେ। ତାହାର ତଥ୍ୟ ସବୁ ଲିକ୍‌ ହୋଇଯାଇଥିବା ଜଣାପଡ଼ିଛି।

୨୦୧୮ରେ ହଣ୍ଟର ଜଣେ କଲ୍‌ଗର୍ଲଙ୍କ ସହ ହୋଟେଲରେ ସମୟ କାଟିଥିଲେ। ଯାହାଙ୍କ ନାମ ଥିଲା ୟାନା। ଏବେ ପ୍ରଶ୍ନ ଉଠୁଛି, କେଉଁ ପରିସ୍ଥିତି ହଣ୍ଟର ପିତା ବାଇଡେନଙ୍କ ଆକାଉଣ୍ଟରୁ ୨୫ ହଜାର ଡଲାର ଅର୍ଥାତ୍‌ ଭାରତୀୟ ମୁଦ୍ରାରେ ୧୮ ଲକ୍ଷ ଟଙ୍କା ଦେଇଥିଲେ। ଯାହାର ସ୍କ୍ରିନ୍‌ଶଟ୍‌ ମିଳିଛି। ହଣ୍ଟର ରୁଷିଆ ମହିଳାଙ୍କୁ ନିଜର ନାମ ରୋବ୍‌ ବୋଲି କହିଥିଲେ। ମେସେଜରେ ଲେଖାଥିଲା, ହାଏ, ମୋ’ ନାଁ ରୋବ୍‌। ମୁଁ ଚେଟୋ ମାରମୋଣ୍ଟରେ ରହୁଛି। ‘କ’ଣ ତୁମେ ଏବେ ମିଳିପାରିବ ତ?

ପରେ ଦୁଇଜଣ ଏହି ହୋଟେଲରେ ଏକାଠି ରହିଥିଲେ। ମଦ ପିଇଥିଲେ। ଆଉ ଅଶ୍ଳୀଳ ଭିଡିଓ ମଧ୍ୟ ପ୍ରସ୍ତୁତ କରିଥିଲେ।