ପୃଥ୍ବୀ ଶ’ଙ୍କ ବେଡ୍‌ରୁ ମିଳିଲା ଏମିତି ଜିନିଷ: ପ୍ରଶଂସକ କଲେ ଟ୍ରୋଲ

ମୁମ୍ବାଇ,୧୮।୬:ଆଇପିଏଲ ୨୦୨୧ ଏବଂ ବିଜୟ ହଜାରେ ଟ୍ରଫିରେ ଚମତ୍କାର ପ୍ରଦର୍ଶନ କରିଥିବା ପୃଥ୍ବୀ ଶ’ ଖୁବ ଶୀଘ୍ର ଟିମ ଇଣ୍ଡିଆର ଜର୍ସିରେ ନଜର ଆସିବେ। ଶ୍ରୀଲଙ୍କା ଯାତ୍ରା ପାଇଁ ଶ’ ଟିମ ଇଣ୍ଡିଆରେ ମନୋନୀତ ହୋଇଛନ୍ତି। ଜୁଲାଇରେ ଭାରତୀୟ ଦଳକୁ ଏକଦିବସୀୟ ଏବଂ ଟି-୨୦ ସିରିଜ ଖେଳିବାକୁ ପଡିବ। ସମସ୍ତ ଖେଳାଳି ଏବେ ମୁମ୍ବାଇରେ ଅଛନ୍ତି ଏବଂ ସେମାନଙ୍କୁ କ୍ୱାରାଣ୍ଟାଇନ୍‌ କରାଯାଇଛି। ଶ’ ମଧ୍ୟ ତାଙ୍କ ହୋଟେଲ ରୁମରେ ସମୟ ଅତିବାହିତ କରୁଛନ୍ତି। କ୍ୱାରାଣ୍ଟାଇନ ଅବଧି ସମୟରେ ଶ’ସୋସିଆଲ ମିଡିଆରେ ନିଜର ଏକ ଫଟୋ ଶେୟାର କରିଛନ୍ତି, ଯାହା ପରେ ତାଙ୍କୁ ଟ୍ରୋଲ କରାଯାଉଛି ।
ପୃଥ୍ବୀ ଶ’ଙ୍କ ଫଟୋରେ ବେଡ୍‌ରେ ଶୋଇ ଏକ ଡମ୍ବୁଲ ଧରିଥିବା ଦେଖାଯାଇଛି। ଏହି ଫଟୋ ପୋଷ୍ଟ କରି ସେ କ୍ୟାପସନରେ ଲେଖିଛନ୍ତି – ‘କ୍ୱାରାଣ୍ଟାଇନ ଲାଇଫ’। ଶ’ଙ୍କ ଏହି ପୋଷ୍ଟରେ ପ୍ରଶଂସକମାନେ ତାଙ୍କୁ ଟ୍ରୋଲ କରିଥିଲେ। ଜଣେ ପ୍ରଶଂସକ ଲେଖିଛନ୍ତି – ପୃଥ୍ବୀ ଶ’ ଭାଇ ଡମ୍ବୁଲକୁ ଉଠାନ୍ତି, ବିଛଣାରେ ଶୁଆନ୍ତି ନାହିଁ । ଶ୍ରୀଲଙ୍କା ଗସ୍ତରେ ପୃଥ୍ବୀ ଶ’ଙ୍କର ଏକ ଦୃଢ ପ୍ରଦର୍ଶନ ରହିବ ବୋଲି ଆଶା କରାଯାଉଛି।