ଡବ୍ଲ୍ୟୁଡବ୍ଲ୍ୟୁଇରେ ଯେତେବେଳେ ଭାରତୀୟ ରେସଲରଙ୍କ କଥା ଆଲୋଚନା ହୁଏ ସେତେବେଳେ ନିଶ୍ଚିତ ଗ୍ରେଟ୍ ଖଲିଙ୍କ ନାଁ ଆଗକୁ ଆସେ। ତାଙ୍କର ଅସଲ ନାଁ ଦିଲୀପ ସିଂ ରାଣା। ଖଲିଙ୍କର ଭାରତରେ ଲକ୍ଷ ଲକ୍ଷ ଫଲୋଅର୍ସ।
ଦ ଗ୍ରେଟ୍ ଖଲି ଇନ୍ଷ୍ଟାଗ୍ରାମରେ କିଛି ନା କିଛି ଭିନ୍ନ ଧରଣର ପୋଷ୍ଟ କରିଥାନ୍ତି। ଏହା ସହିତ ନିଜର ଦିନଚର୍ଯ୍ୟା ବି ଶେୟାର କରିଥାନ୍ତି। ଏବେ ଏକ ପୋଷ୍ଟ ଶେୟାର କରିଛନ୍ତି ଯାହା ଖୁବ୍ ଚର୍ଚ୍ଚା ହେଉଛି। ଏମିତିକି ଖଲିଙ୍କ ଫଟୋ କି ଭିଡିଓ ପୋଷ୍ଟ ହେବାର ମାତ୍ର କିଛିକ୍ଷଣ ମଧ୍ୟରେ ଏହା ତୀବ୍ର ବେଗରେ ଭାଇରାଲ ହୋଇଥାଏ।
ଖଲି ଏବେ ଯେଉଁ ଭିଡିଓ ଶେୟାର କରିଛନ୍ତି, ଏଥିରେ ସେ ଜଣେ ବାଳକଙ୍କ କେଶ କାଟୁଥିବା ନଜର ଆସିଛନ୍ତି। ଭିନ୍ନ ଷ୍ଟାଇଲ୍ରେ ସେ କେଶ କାଟୁଥିବା ଦେଖିବାକୁ ମିଳିଛି। ଭିଡିଓ ଦେଖି ଜଣେ ୟୁଜର ଲେଖିଛନ୍ତି, ତାଙ୍କ କେଶକୁ ବାଥ୍ରୁମ୍ ବ୍ରଶ ତିଆରି କରିଦିଅ। ଆଉ ଜଣେ ୟୁଜର ଲେଖିଛନ୍ତି, ଫୁଙ୍କି କି ଲଣ୍ଡା କରିଦିଅ।
ହିମାଚଳ ପ୍ରଦେଶରେ ରହୁଥିବା ଖଲି କେବଳ ନିଜର ବିଶାଳ ଚେହେରାକୁ ନେଇ ବେଶ୍ ପ୍ରସିଦ୍ଧ। ଡବ୍ଲ୍ୟୁଡବ୍ଲ୍ୟୁଇର ରିଙ୍ଗଠାରୁ ଖଲି ବର୍ତ୍ତମାନ ଦୂରେଇ ରହୁଥିଲେ ହେଁ ତାଙ୍କ ଫ୍ୟାନ୍ ଫଲୋଅର୍ସଙ୍କ ସଂଖ୍ୟା କମ୍ ନାହିଁ। ଖାଲି ସୋସିଆଲ ମିଡିଆ ନୁହେଁ ସେ ସବୁବେଳେ ଲୋକଙ୍କ ହୃଦୟରେ ରହିଛନ୍ତି।
