ଜୁନ୍‌ ୧୫ରୁ ମାସ୍କ ଫ୍ରି ହେବ ଏହି ଦେଶ, ଡିସେମ୍ବରରେ ଆରମ୍ଭ ହୋଇଥିଲା ଟିକାକରଣ

ଜେରୁଜେଲମ,୯ା୬: କରୋନା ଅବଧି ସମୟରେ ଇସ୍ରାଏଲ ବିଶ୍ୱର ପ୍ରଥମ ମାସ୍କ ମୁକ୍ତ ଦେଶ ହେବ। ଏଠାରେ ବନ୍ଦ ସ୍ଥାନରେ ମାସ୍କ ପ୍ରୟୋଗ କରିବାର ନିୟମ ଜୁନ୍‌ ୧୫ରୁ ଶେଷ ହେବ। ଇସ୍ରାଏଲର ସ୍ବାସ୍ଥ୍ୟମନ୍ତ୍ରୀ ୟୁଲି ଏଡେଲଷ୍ଟାଇନ ଏହା ଘୋଷଣା କରିଛନ୍ତି।

ଦେଶରେ ମାସ୍କ ଲଗାଇବା ନିୟମ ପୂର୍ବରୁ ରଦ୍ଦ ହୋଇସାରିଛି। ସ୍ବାସ୍ଥ୍ୟମନ୍ତ୍ରୀ ଏଡେଲଷ୍ଟାଇନ କହିଛନ୍ତି, ‘ଯଦି ସଂକ୍ରମଣ ବୃଦ୍ଧି ନ ହୁଏ, ତେବେ ପ୍ରତିବନ୍ଧକ ସମ୍ପୂର୍ଣ୍ଣ ରୂପେ ହଟାଯିବ।

ବିଦେଶ ଯାତ୍ରା ସହ ଜଡ଼ିତ ଅଧିକାଂଶ ପ୍ରତିବନ୍ଧକ ଏପର୍ଯ୍ୟନ୍ତ ହଟାଯାଇ ନାହିଁ। ଉଦାହରଣ ସ୍ବରୂପ, ୯ ଦେଶକୁ ଯାତ୍ରା ଏପର୍ଯ୍ୟନ୍ତ ନିଷେଧ ରହିଛି। ଏହି ଦେଶରୁ ଆସୁଥିବା ଯାତ୍ରୀମାନଙ୍କ ପାଇଁ ଏକ ନିୟମ ଅଛି। ତାଙ୍କର କରୋନା ପରୀକ୍ଷା ମଧ୍ୟ କରାଯାଉଛି।

ଅନ୍ୟପକ୍ଷରେ ରବିବାର ଠାରୁ ଇସ୍ରାଏଲରେ ୧୨ରୁ ୧୫ ବର୍ଷର ପିଲାମାନଙ୍କର କରୋନା ଟିକାକରଣ ମଧ୍ୟ ଆରମ୍ଭ ହୋଇଛି। ଇସ୍ରାଏଲରେ କରୋନା ଟିକାକରଣ ଅଭିଯାନ ୨୦ ଡିସେମ୍ବର ୨୦୨୦ରେ ଆରମ୍ଭ ହୋଇଥିଲା। ପ୍ରଥମ ପର୍ଯ୍ୟାୟରେ ସ୍ବାସ୍ଥ୍ୟ କର୍ମୀ ଏବଂ ୬୫ ବର୍ଷରୁ ଅଧିକ ଲୋକଙ୍କୁ ଟିକାକରଣ କରାଯାଇଥିଲା। ଏହା ପରେ ଟିକାକରଣ ପାଇଁ ବୟସ ହ୍ରାସ କରାଯାଇଥିଲା।