ପ୍ରଧାନମନ୍ତ୍ରୀଙ୍କ ହ୍ବାଟ୍ସଆପ୍‌ ଚାଟ୍‌ ଲିକ୍‌, ପଠାଇଥିଲେ ଏମିତି ମେସେଜ

ଲଣ୍ଡନ,୧୭ା୬: ବ୍ରିଟେନର ପ୍ରଧାନମନ୍ତ୍ରୀ ବୋରିସ୍‌ ଜନସନଙ୍କ ହ୍ବାଟ୍ସଆପ୍‌ ଚାଟ୍‌ ଲିକ୍‌ ହୋଇଥିବା ସାମ୍ନାକୁ ଆସିଛି। ଏହି ଚାଟ୍‌କୁ ବୋରିସ୍‌ଙ୍କ ପୂର୍ବତନ ବରିଷ୍ଠ ପରାମର୍ଶଦାତା ଡୋମିନକ୍‌ କମିଙ୍ଗ୍‌ସ ଲିକ୍‌ କରିଦେଇଛନ୍ତି।

ଏହି ଚାଟ୍‌ରେ ବୋରିସ୍‌ ସ୍ବାସ୍ଥ୍ୟ ସଚିବ ମ୍ୟାଟ୍‌ ହାନକକ୍‌ଙ୍କ ବିଷୟରେ କରିଥିବା ଦେଖିବାକୁ ମିଳିଛି। କମିଙ୍ଗ୍‌ସ ଏକ ଲମ୍ବା ବ୍ଲଗ୍‌ ପୋଷ୍ଟରେ ଏହି ଅଭିଯୋଗ କରିଛନ୍ତି ଯେ, ମ୍ୟାଟ୍‌ କରୋନା ସମୟର ବିଫଳତା ବିଷୟରେ ମିଛ କହିଥିଲେ। କମିଙ୍ଗ୍‌ସ ଏହି ହ୍ବାଟ୍ସଆପ୍‌ ଚାଟ୍‌ର ଏକ ସ୍କ୍ରିନ୍‌ଶଟ୍‌ ବି ଶେୟାର କରିଛନ୍ତି। କମିଙ୍ଗ୍‌ସଙ୍କ ଅନୁଯାୟୀ, ଏହି ସ୍କ୍ରିନ୍‌ଶଟ୍‌ ଗତବର୍ଷ ମାର୍ଚ୍ଚ ୨୬ର। ଏଥିରେ କମିଙ୍ଗ୍‌ସ ଏବଂ ବୋରିସ୍‌ ବ୍ରିଟେନର କୋଭିଡ୍‌ ପରୀକ୍ଷା କ୍ଷମତା ବିଷୟରେ କଥାବାର୍ତ୍ତା ହୋଇଛନ୍ତି। ଏହି ଚାଟ୍‌ ସମୟରେ ବୋରିସ୍‌ ଅତି ନିରାଶ ହୋଇ କହିଛନ୍ତି ଯେ, ସ୍ବାସ୍ଥ୍ୟ ସଚିବ ମ୍ୟାଟ୍‌ଙ୍କୁ କୌଣସି ଭରସା ନାହିଁ। ସେହିପରି ଏପ୍ରିଲ ୨୭ର ଏକ ଚାଟ୍‌କୁ ମଧ୍ୟ କମିଙ୍ଗ୍‌ସ ଲିକ୍‌ କରିଛନ୍ତି। ଏହି ଚାଟ୍‌ରେ ବୋରିସ୍‌ ସ୍ପଷ୍ଟ କହିଛନ୍ତି ଯେ, ପିପିଇ କିଟ୍‌ ପାଇଁ ମ୍ୟାଟ୍‌ ହିଁ ଦାୟୀ। ଏହି ଦାୟିତ୍ୱ ତାଙ୍କ ସ୍ଥାନରେ କ୍ୟାବିନେଟ୍‌ କାର୍ଯ୍ୟାଳୟ ମନ୍ତ୍ରୀ ମାଇକେଲ୍‌ ଗୋଭ୍‌ଙ୍କୁ ଦିଆଯିବା ଉଚିତ୍‌।

ଏହି ଚାଟ୍‌ ଆଧାରରେ କମିଙ୍ଗ୍‌ସ ବୋରିସଙ୍କୁ ଟାର୍ଗେଟ କରିଛନ୍ତି। ସେ ତାଙ୍କ ବ୍ଲଗ୍‌ ପୋଷ୍ଟରେ ଲେଖିଛନ୍ତି, ମ୍ୟାଟ୍‌ କରୋନା ସମୟରେ ପରୀକ୍ଷା କରୁଛନ୍ତି। ପିପିଇ କିଟ୍‌ ନେଇ ସମ୍ପୂର୍ଣ୍ଣ ବିଫଳ ବୋଲି ପ୍ରମାଣିତ ହୋଇଛି। ଏହାକୁ ବୋରିସ୍‌ କଡ଼ା ସମାଲୋଚନା କରିଛନ୍ତି।