ବାପାଙ୍କୁ ଆକ୍ରମଣ କରି ଜେଲ ଗଲେ ପୁଅ

ଦିଗପହଣ୍ଡି,୨।୬(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ଥାନା ଜଙ୍ଘମା ଗ୍ରାମର ରବିନ୍ଦ୍ର ବେହେରାଙ୍କୁ ବୁଧବାର ପୋଲିସ କୋର୍ଟ ଚାଲାଣ କରିଛି। ଜାମିନ ଆବେଦନ ନାମଞ୍ଜୁର ହେବାରୁ ଅଭିଯୁକ୍ତଙ୍କୁ ଦିଗପହଣ୍ଡି ସବ ଜେଲ ହାଜତକୁ ପଠାଇ ଦିଆଯାଇଛି।
ଆଇଆଇସି ବସନ୍ତ କୁମାର ସେଠୀଙ୍କ ସୂଚନାନୁସାରେ, ଗତ ୨୬ ତାରିଖ ସାରେ ଅଭିଯୁକ୍ତ ରବୀନ୍ଦ୍ର ତାଙ୍କ ବୃଦ୍ଧ ବାପା ବିଶ୍ୱନାଥ ବେହେରାଙ୍କୁ ଗାଁ ରାସ୍ତାରେ ଅଟକାଇ ଟଣାଓଟରା କରିବାସହ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିଲେ। ସେ ପ୍ରାଣ ଭୟରେ ଘରକୁ ଚାଲି ଆସିଥିଲେ। ଏପରିକି ଏକ ପଥର ଖଣ୍ଡ ଦ୍ୱାରା ସେ ଘରର ଗ୍ରିଲ ଭାଙ୍ଗି ଘରେ ପଶି ତାଙ୍କୁ ପୁଣି ପଥରରେ ଛେଚି ଆକ୍ରମଣ ପାଇଁ ଉଦ୍ୟମ କରିଥିଲେ। ଚେତାଶୂନ୍ୟ ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରୁ ଚିକିତ୍ସା ହୋଇ ଫେରିବା ପରେ ମଧ୍ୟ ବଡ଼ ପୁଅ ରବିନ୍ଦ୍ର ପୁଣି ଧମକ ଦେବାରୁ ସେ ବାଧ୍ୟ ହୋଇ ମଙ୍ଗଳବାର ଦିଗପହଣ୍ଡି ଥାନାରେ ଏତଲା ଦେଇଥିବା ତଦନ୍ତକାରୀ ଅଧିକାରୀ ଗୋବିନ୍ଦ ମଲ୍ଲିକ କହିଛନ୍ତି। କେସ ନଂ.୧୩୩/୨୧ ମାମଲା ରୁଜୁ ହୋଇ ତଦନ୍ତ ଚାଲିଥିଲା