ପ୍ରଥମ ପାଳିରେ ମାତ୍ର ୧୫ ରନ୍‌ ଅଲଆଉଟ୍‌ ହୋଇଯାଇଥିଲା ଏହି ଦଳ, ତଥାପି ୧୫୫ ରନ୍‌ରେ ଜିତିଥିଲା ମ୍ୟାଚ୍‌: ଜାଣନ୍ତୁ କେମିତି

କ୍ରିକେଟ ପଡ଼ିଆରେ ଅନେକ ସମୟରେ ଚମତ୍କାର ଘଟେ। ଅନେକ ମ୍ୟାଚ ଏପରି ଖେଳାଯାଇଛି ଯେତେବେଳେ ଏକ ଦଳର ପରାଜୟ ନିଶ୍ଚିତ ମନେହୁଏ, କିନ୍ତୁ ଏହା ସତ୍ତ୍ୱେ ଦଳ ଏକ ଜବରଦସ୍ତ ପ୍ରତ୍ୟାବର୍ତ୍ତନ କରି ମ୍ୟାଚ ଜିତିଥାଏ । କିନ୍ତୁ ଗୋଟିଏ ଦଳ ପ୍ରଥମ ଇନିଂସରେ ମାତ୍ର ୧୫ ରନ୍‌ ଆଉଟ୍‌ ହେବା ପରେ ମଧ୍ୟ ମ୍ୟାଚ୍‌କୁ ୧୫୫ ରନରେ ଜିତିବା କ୍ରିକେଟ୍‌ରେ ବହୁତ କମ୍‌ ଦେଖାଯାଏ। ହଁ, ଠିକ ୯୯ ବର୍ଷ ପୂର୍ବେ ଆଜି, ଏପରି ଏକ ମ୍ୟାଚ ଖେଲାଯାଇଥିଲା। ମ୍ୟାଚ୍‌ରେ ଗୋଟିଏ ଦଳର ପ୍ରତ୍ୟାବର୍ତ୍ତନ ଚମତ୍କାରଠାରୁ କମ ନୁହେଁ।
ଜୁନ ୧୬, ୧୯୨୨ ରେ, ହାମ୍ପସାୟର୍‌ ଏବଂ ୱାରଓ୍ବିକଶାୟର୍‌ ମଧ୍ୟରେ ମ୍ୟାଚ ଏଜବାଷ୍ଟନରେ ଖେଲାଯାଇଥିଲା। ଆଶ୍ଚର୍ଯ୍ୟଜନକ କଥା ହେଉଛି ହାମ୍ପସାୟାରର ପ୍ରଥମ ଇନିଂସ ମାତ୍ର ୧୫ ରନରେ ଅଲଆଉଟ୍‌ ହୋଇଥିଲା। ତଥାପି ସେମାନେ ୱାରଓ୍ବିକଶାୟର୍‌କୁ ପରାସ୍ତ କରିଥିଲେ। ଏହି ମ୍ୟାଚରେ ୧୦ ନମ୍ବର ବ୍ୟାଟ୍ସମ୍ୟାନ ଶତକ ହାସଲ କରି ମ୍ୟାଚ ଜିତାଇବା ସହ ପ୍ରମାଣ କରିଥିଲେ ଯେ କ୍ରିକେଟରେ କିଛି ଅସମ୍ଭବ ନୁହେଁ।
ବର୍ମିଂହାମର ଏଜବାଷ୍ଟନ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ୱାରଓ୍ବିକଶାୟର୍‌ ପ୍ରଥମ ଇନିଂସରେ ୨୨୩ ରନ ସଂଗ୍ରହ କରିଥିଲା। ଏହାର ଜବାବରେ ମାତ୍ର ୧୫ ରନରେ ହାମ୍ପସାୟାର ଅଲଆଉଟ୍‌ ହୋଇଯାଇଥିଲ। ହାମ୍ପସାୟାର ଖେଳାଳିମାନେ ମାତ୍ର ୮.୫ ଓଭର ପାଇଁ କ୍ରିଜରେ ରହିବାକୁ ସକ୍ଷମ ହୋଇଥିଲେ। ୮ ଜଣ ବ୍ୟାଟ୍ସମ୍ୟାନ ଫାତା ଖୋଲିପାରି ନ ଥିଲେ ଏବଂ ଚତୁର୍ଥ ନମ୍ବରରେ ବ୍ୟାଟିଂ କରିବାକୁ ଆସିଥିବା ଫିଲ ମିଡ ୬ ରନ୍‌ରେ ଅପରାଜିତ ରହିଥିଲେ। ୱାକର୍ସକ୍ସାୟାରର ମାତ୍ର ୨ ବୋଲର ହାମ୍ପସାୟାର ଦଳକୁ ବାନ୍ଧି ରଖିଥିଲେ। ହାରି ହାୱେଲ ୭ ରନ ଦେଇ ୬ଟି ଉଇକେଟ ନେଇଥିବାବେଳେ ଫ୍ରେଡି କାଲଥୋର୍ପେ ୪ଟି ଉଇକେଟ ନେଇଥିଲେ।
ମାତ୍ର ୧୫ ରନ ଅଲଆଉଟ୍‌ ହେବା ପରେ ହାମ୍ପସାୟର୍‌କୁ ୱାରଓ୍ବିକଶାୟର୍‌ଠାରୁ ଏକ ଫଲୋଅନ୍‌ ମିଳିଥିଲା। ଦ୍ୱିତୀୟ ଇନିଂସରେ ମଧ୍ୟ ହାମ୍ପସାୟାର ଦଳ ଅସୁବିଧାରେ ପଡ଼ିଥିଲା। ଦଳ ମାତ୍ର ୧୭୭ ରନରେ ୬ ଉଇକେଟ ଯାଇଥିଲା। ଲାଗୁଥିଲା ଯେ ୱାରଓ୍ବିକଶାୟର୍‌ ଏହି ମ୍ୟାଚ୍‌ରେ ଅତି ଆରାମରେ ଜିତିବ,କିନ୍ତୁ ତାହା ହୋଇ ନ ଥିଲା। ଜର୍ଜ ବ୍ରାଉନଙ୍କ ଭଲ ବ୍ୟାଟିଂ ଯୋଗୁ ହାମ୍ପସାୟାର ୨୭୨ ରନ୍‌ରେ ପହଞ୍ଚିଥିଲା। ଏହାପରେ ଉଇକେଟ କିପର ୱାଲ୍ଟର ଲିଭସି କ୍ରିଜରେ ପାଦ ଦେଇଥିଲେ। ୱାଲ୍ଟର ବ୍ରାଉନଙ୍କ ସହ ୯ମ ଉଇକେଟ ପାଇଁ ୧୭୭ ରନ ଯୋଡିଥିଲେ। ୧୦ ନମ୍ବରରେ ଅବତରଣ କରିଥିବା ୱାଲ୍ଟର ଲାଇଭେସି ଏକ ଚମତ୍କାର ଶତକ ହାସଲ କରିଥିବାବେଳେ ଜର୍ଜ ବ୍ରାଉନ ୧୭୨ ରନର ଏକ ଚମତ୍କାର ଇନିଂସ ଖେଳିଥିଲେ। ଏହି ଦୁଇଟିର ଇନିଂସ ଯୋଗୁଁ ହାମ୍ପସାୟର୍‌ ଦ୍ୱିତୀୟ ଇନିଂସରେ ୫୨୧ ରନ ସଂଗ୍ରହ କରି ୱାରଓ୍ବିକଶାୟର୍‌କୁ ୩୧୪ ରନର ଏକ ବଡ଼ ଲକ୍ଷ୍ୟ ଦେଇଥିଲା। ଦ୍ୱିତୀୟ ଇନିଂସରେ ୱାରଓ୍ବିକଶାୟର୍‌ ୧୫୮ ରନରେ ଅଲଆଉଟ୍‌ ହୋଇଯାଇଥିଲା। ଫଳରେ ହାମ୍ପସାୟାର ୧୫୫ ରନ୍‌ରେ ମ୍ୟାଚ ଜିତିଥିଲା।