୫୩ ବଲ୍‌ରୁ ବିସ୍ଫୋରକ ଶତକ ହାସଲ କଲେ ଏହି ଟେଷ୍ଟ କ୍ରିକେଟର୍‌

ୟୁଏଇ,୧୮।୬: ପାକିସ୍ତାନ ସୁପର ଲିଗରେ ଚମତ୍କାର ପ୍ରଦର୍ଶନ କରୁଥିବା ଅଷ୍ଟ୍ରେଲୀୟ କ୍ରିକେଟର ଉସମାନ ଖାୱାଜା ଏକ ଶତକ ହାସଲ କରିଛନ୍ତି। ଇସଲାମାବାଦ ୟୁନାଇଟେଡ ପାଇଁ ଖେଳୁଥିବା ବେଳେ ସେ ୫୩ ବଲରେ ଶତକ ପୂରଣ କରିଥିଲେ। ତାଙ୍କର ଅପରାଜିତ ଶତକ ଯୋଗୁ ଇସଲାମାବାଦ ଦଳ ୨୦ ଓଭରରେ ୨ ଉଇକେଟ୍‌ ହରାଇ ୨୪୭ ରନ ସଂଗ୍ରହ କରିଥିଲା। ପେଶୱାର ଦଳର ଅଧିନାୟକ ୱାହାବ ରିଆଜ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ଖାୱାଜା ୫୬ ବଲ୍‌ରୁ ଅପରାଜିତ ଇନିଂସରେ ୧୩ ଚୌକା ଓ ୩ ଛକା ମାରିଥିଲେ। ଟେଷ୍ଟ ବ୍ୟାଟ୍ସମ୍ୟାନ ଭାବେ ଜଣାଶୁଣା ଉସମାନ ଖାୱାଜା ପିଏସଏଲ୍‌ରେ ଇସଲାମାବାଦର ଅଧିନାୟକତ୍ୱ ସମ୍ଭାଳିଛନ୍ତି। ଉସମାନ ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ୪୪ ଟି ଟେଷ୍ଟ, ୪୦ଟି ଏକଦିବସୀୟ ଏବଂ ୯ ଟି -୨୦ ଅନ୍ତର୍ଜାତୀୟ ମ୍ୟାଚ୍‌ ଖେଳିଛନ୍ତି।