କରୋନାର ତୃତୀୟ ଲହରରେ କେମିତି ରହିବେ ସୁରକ୍ଷିତ: ଏମ୍ସ ପ୍ରଫେସର୍‌ ଦେଲେ ଟିପ୍ସ

ନୂଆଦିଲ୍ଲୀ,୨୧।୬: ଦେଶରେ କରୋନା ସଂକ୍ରମଣର ଦ୍ୱିତୀୟ ଲହରର ଗତି ବହୁତ ମନ୍ଥର ହୋଇଛି। ଗତ ଏକ ସପ୍ତାହ ହେବ ଦୈନିକ ସଂକ୍ରମଣ ସଂଖ୍ୟା ୧ ଲକ୍ଷରୁ କମ ଆସୁଛି। ଏହି କ୍ରମରେ, ଅନେକ ରାଜ୍ୟରେ ଲାଗୁ କରାଯାଇଥିବା କଟକଣା ଉଠାଯିବା ମଧ୍ୟ ଆରମ୍ଭ ହୋଇଛ। ଏବେ ସମ୍ଭାବ୍ୟ ତୃତୀୟ ଲହରର ଲୋକଙ୍କ ପାଇଁ ଚିନ୍ତାର ବିଷୟ ପାଲଟିଛି। ତୃତୀୟ ଲହର ଆସିବ, ଏହା କେତେ ଗମ୍ଭୀର ହେବ ଏବଂ କିଏ ଏଥିପ୍ରତି କିପରି ଯତ୍ନବାନ ହେବା ଆବଶ୍ୟକ, ଏହିପରି ପ୍ରଶ୍ନ ସବୁ ଲୋକଙ୍କ ମନରେ ଚାଲିଛି।
କେତେକ ରିପୋର୍ଟ ଦାବି କରୁଛି ଯେ କରୋନାର ତୃତୀୟ ଲହର ପିଲାମାନଙ୍କୁ ଅଧିକ ପ୍ରଭାବିତ କରିପାରେ, ଯଦିଓ ୍‌ଦିଲ୍ଲୀର ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (ଏଆଇଏମଏସଏସ) ଏଭଳି ଭୟକୁ ଅସ୍ବୀକାର କରିଛି। ରହିବାର ଦିଲ୍ଲୀ ଏମ୍ସର ମେଡିସିନ ବିଭାଗର ସହକାରୀ ପ୍ରଫେସର ନୀରଜ ନିଶ୍ଚଲ କରୋନାର ତୃତୀୟ ଲହରର ସମ୍ଭାବ୍ୟ କାରଣ ଏବଂ ଏହାକୁ ରୋକିବା ପାଇଁ ପଦକ୍ଷେପ ବିଷୟରେ ସୂଚନା ଦେଇଛନ୍ତି। ନୀରଜ କହିଛନ୍ତି ଯେ, କରୋନାର ସମ୍ଭାବ୍ୟ ତୃତୀୟ ଲହର ମୁଖ୍ୟତଃ ଦୁଇଟି ଗୁରୁତ୍ୱପୂର୍ଣ୍ଣ କାରଣ ଉପରେ ନିର୍ଭର କରିବ – ପ୍ରଥମ ଭୂତାଣୁ ଏବଂ ଦ୍ୱିତୀୟ ମାନବ ସମ୍ବନ୍ଧୀୟ। ଭୂତାଣୁରୁ ଉତ୍ପନ୍ନ ମ୍ୟୁଟେସନ ଏବଂ ତତଃସହିତ ଜଟିଳତା ଆମ ହାତରେ ନାହିଁ, କିନ୍ତୁ ଆମେ ଆମର ଉଦ୍ୟମ ସହିତ ମାନବ ସମ୍ବନ୍ଧୀୟ କାରଣଗୁଡ଼ିକୁ ଦୂର କରିପାରିବା।

କିପରି ନିଜକୁ ରକ୍ଷା କରିବେ
ନୀରଜ କହିଛନ୍ତି ଯେ, କରୋନାର ତୃତୀୟ ଲହରରୁ ସୁରକ୍ଷିତ ରହିବାକୁ ହେଲେ ସମସ୍ତ ଲୋକଙ୍କୁ କୋଭିଡ ପ୍ରତିରୋଧ ନିୟମକୁ କଡାକଡି ପାଳନ କରିବାକୁ ପଡିବ। ଏଥିରେ ଅବହେଳା ଗୁରୁତର ପରିଣାମ ଦେଇପାରେ। ଭଲ ଏବଂ କଡ଼ା ମାସ୍କ ପିନ୍ଧିବା, ହାତର ସ୍ବଚ୍ଛତା ବଜାୟ ରଖିବା ଏବଂ ସାମାଜିକ ଦୂରତା ବଜାୟ ରଖିବା ସବୁବେଳେ ଜରୁରୀ। ନିୟମିତ ଭାବରେ ଏହି ପଦକ୍ଷେପଗୁଡିକ ବ୍ୟବହାର କରି, ସଂକ୍ରମଣରୁ ସୁରକ୍ଷିତ ରହିପାରିବେ।

ଟିକାକରଣର ପ୍ରଭାବ ରହିବ
ଡା. ନୀରଜ କହିଛନ୍ତି ଯେ, କରୋନା ଟିକା ସଂକ୍ରମଣରୁ ରକ୍ଷା କରିବାରେ ସାହାଯ୍ୟ କରିବ। ଯେଉଁମାନଙ୍କୁ ଟିକାକରଣ କରାଯାଇଛି ସେମାନେ ଯଦି ସଂକ୍ରମିତ ହେବେ ତେବେ ସେମାନେ ସେତେଟା ଗୁରୁତର ହେବାର ଆଶଙ୍କା ନାହିଁ। ଟିକାକରଣ କରୋନା ସଂକ୍ରମଣରୁ ରକ୍ଷାକାରୀ ଭାବରେ କାର୍ଯ୍ୟ କରିବ।