ସାଉଥାମ୍ପଟନ୍,୨୪।୬: ବିଶ୍ୱ ଟେଷ୍ଟ ଚାମ୍ପିୟନଶିପ (ଡବ୍ଲୁଟିସି ଫାଇନାଲ)ର ଫାଇନାଲରେ ଭାରତୀୟ ଦଳକୁ ପରାଜୟର ସମ୍ମୁଖୀନ ହେବାକୁ ପଡ଼ିଛି। ମ୍ୟାଚ କିମ୍ବା ଟୁର୍ନାମେଣ୍ଟର ଫଳାଫଳ ଯାହା ହେଉନା କାହିଁକି ଉଭୟ ବିରାଟ କୋହଲି ଏବଂ କେନ ୱିଲିୟମସନ୍ ପରସ୍ପର ପ୍ରତି ପାରସ୍ପରିକ ସମ୍ମାନ ବାଣ୍ଟିଛନ୍ତି। ବିଶ୍ୱ ଟେଷ୍ଟ ଚାମ୍ପିଅନସିପ (ଡବ୍ଲୁଟିସି ଫାଇନାଲ) ର ଫାଇନାଲ ପରେ ଉଭୟ ଅଧିନାୟକ ପରସ୍ପରକୁ କୋଳାଗ୍ରତ କରିଥିଲେ। ଜୁନ ୨୩ ରେ, ନ୍ୟୁଜିଲାଣ୍ଡ ବିଶ୍ୱ ଟେଷ୍ଟ ଚାମ୍ପିଅନସିପ ର ଫାଇନାଲରେ ଭାରତକୁ ୮ ଉଇକେଟ୍ରେ ପରାସ୍ତ କରି ଟାଇଟଲ ଜିତିଥିଲା। ବର୍ଷା ଏବଂ ଖରାପ ପାଗ ଯୋଗୁ ଏହି ମ୍ୟାଚ ରିଜର୍ଭ ଦିନରେ ଖେଳାଯାଇଥିଲା ଏବଂ ସେହି ଦିନ ଫଳାଫଳ ବାହାରିଲା । ଏହି ମ୍ୟାଚ ସମୟରେ ବର୍ଷା ହେତୁ ଦୁଇ ଦିନ ପୂରା ଧୋଇ ହୋଇଯାଇଥିଲା।ଏହା ବ୍ୟତୀତ, ଖରାପ ଆଲୋକ ମଧ୍ୟ ଖେଳରେ ବାଧା ସୃଷ୍ଟି କରିଥିଲା। କିନ୍ତୁ ଶେଷରେ, କେନ ୱିଲିୟମସନ୍ଙ୍କ ଅଧିନାୟକତ୍ୱରେ ନ୍ୟୁଜିଲାଣ୍ଡ ଏକ ଚମତ୍କାର ଢଙ୍ଗରେ ଜିତିଥିଲା। ମ୍ୟାଚ ପରେ ବିରାଟ କୋହଲି ଏବଂ କେନ ୱିଲିୟମସନ ପରସ୍ପରକୁ କୋଳାଗ୍ରତ କରିଥିଲେ। ଏହି ସମୟରେ ଉଭୟ ଖେଳାଳି ପରସ୍ପର ପ୍ରତି କେତେ ସମ୍ମାନ କରନ୍ତି ତାହା ସ୍ପଷ୍ଟ ଭାବରେ ଦୃଶ୍ୟମାନ ହେଉଥିଲା। ଦୁଇ ବର୍ଷ ଧରି ଚାଲିଥିବା ବିଶ୍ୱ ଟେଷ୍ଟ ଚାମ୍ପିଅନସିପ ଶେଷରେ ଉଭୟ ଖେଳାଳି ମଧ୍ୟ ପରସ୍ପରକୁ ପ୍ରଶଂସା କରିଥିଲେ। ସୋସିଆଲ ମିଡିଆରେ ବିରାଟ କୋହଲି ଏବଂ କେନ ୱିଲିୟମସନଙ୍କୁ କେଳାଗ୍ରତ କରିବାର ଏହି ଫଟୋ ଭାଇରାଲ ହେବାରେ ଲାଗିଛି। ପ୍ରଶଂସକମାନେ ଏହି ଫଟୋକୁ ବେଶ୍ ପ୍ରଶଂସା କରୁଛନ୍ତି ଏବଂ କମେଣ୍ଟ୍ ମଧ୍ୟ ଦେଉଛନ୍ତି । ପ୍ରଶଂସକମାନେ ଏହାକୁ ସ୍ପିରିଟ୍ ଅଫ୍ ଦ ଗେମ୍ ବା ଖେଳର ଆତ୍ମା ବୋଲି କହୁଛନ୍ତି ଏବଂ ଉଭୟ ଅଧିନାୟକଙ୍କୁ ମଧ୍ୟ ପ୍ରଶଂସା କରୁଛନ୍ତି।
ସୁନ୍ଦରଗଡ଼,୨୭।୬: ସୁନ୍ଦରଗଡ଼ ଜିଲା ଜିଲା ଶିକ୍ଷା ବିଭାଗର ଖାମଖିଆଲ ଯୋଗୁ ବାହାର ରାଜ୍ୟର ଜଣେ ବ୍ୟକ୍ତିଙ୍କ ଆକାଉଣ୍ଟକୁ ଚାଲିଯାଇଥିଲା ୪୮…
ବରଗଡ଼ ଅଫିସ,୨୮ା୬: ବରଗଡ଼ ଜିଲାରେ ଧାନ ବିକ୍ରି ସମସ୍ୟା ଯେଭଳି ବଢି ଚାଲିଛି ଏହାର ପ୍ରତିବାଦରେ ଆନ୍ଦୋଳନ ମଧ୍ୟ ସେଭଳି…
ବେଗୁନିଆ,୨୮।୬(ଡି.ଏନ୍.ଏ.): ତମାଖୁ ବିକ୍ରି ଓ ସେବନ ରୋକିବା ପାଇଁ ସିଗାରେଟ ଏବଂ ଅନ୍ୟାନ୍ୟ ତମାଖୁ ଦ୍ରବ୍ୟ ନିବାରଣ ଆଇନ(କୋଟପା) ରହିଛି।…
ଜଗତ୍ସିଂହପୁର ଅଫିସ,୨୮ା୬: ଆଳିପିଙ୍ଗଳସ୍ଥିତ ଜଗତ୍ସିଂହପୁର ଉପକାରାଗାର ଏକ ପ୍ରକାର ଅସୁରକ୍ଷିତ ହୋଇପଡିଛି। କାରାଗାର ଦକ୍ଷିଣ ପାର୍ଶ୍ୱରେ ଡି ୱାଲ୍ (ପାଚେରି)…
ଅନୁଗୋଳ ଅଫିସ,୨୮ା୬: ଅନୁଗୋଳ ଜିଲାର ୮ଟି ବ୍ଲକରେ ଥିବା ଡିଲରମାନଙ୍କ ନିକଟରେ ସାଧାରଣ ବଣ୍ଟନ ବ୍ୟବସ୍ଥା (ପିଡିଏସ୍)ରେ ଚାଉଳ ଓ…
ଦେବଗଡ଼,୨୭ା୬: ଦେବଗଡ଼ ଜିଲାରୁ ଚିହ୍ନଟ ହୋଇଥିବା ରାଜ୍ୟର ପ୍ରଥମ ଡେଲ୍ଟା ପ୍ଲସ ସଂକ୍ରମିତ ସୁସ୍ଥ ହୋଇଛନ୍ତି। ଦେବଗଡ଼ ଜିଲା ବାରକୋଟ…
This website uses cookies.