କାନପୁର,୨୦।୬: ଉତ୍ତରପ୍ରଦେଶର କାନପୁରରେ ଏକ ଅଭାବନୀୟ ଘଟଣା ଘଟିଛି। ଏଠାରେ ରହୁଥିବା ଜଣେ ଦମ୍ପତି ନିଜ କିନ୍ନର ସନ୍ତାନକୁ ଶାସ୍ତ୍ରୀ ନଗରର ଜଣେ ଯୁବକଙ୍କୁ ବିବାହ କରିଥିଲେ। ବିବାହର ପ୍ରଥମ ରାତିରେ ଏହି ମିଥ୍ୟା ପ୍ରକାଶ ପାଇଥିଲା। ଶେଷରେ ବୋହୂ ତାଙ୍କ ବାପ ଘରକୁ ଫେରି ଯାଇଥିଲେ। ଏଥିସହିତ ଠକେଇର ଶିକାର ହୋଇଥିବା ବ୍ୟକ୍ତି ତାଙ୍କ ସ୍ତ୍ରୀ, ଶାଶୁ ଏବଂ ମଧ୍ୟସ୍ଥିଙ୍କ ସମେତ ୮ ଜଣଙ୍କ ବିରୋଧରେ ମାମଲା ରୁଜୁ କରିଛନ୍ତି। ଶାସ୍ତ୍ରୀ ନଗରର ବାସିନ୍ଦା ପୀୟୁଷ କହିଛନ୍ତି ଯେ, ସେ ୨୮ ଏପ୍ରିଲ ୨୦୨୧ରେ ପନକି ନିବାସୀ ଜଣେ ଯୁବତୀଙ୍କୁ ବିବାହ କରିଥିଲେ। ଜନ୍ମରୁ ଯୁବତୀ ଜଣଙ୍କ ଟ୍ରାନ୍ସଜେଣ୍ଡର ଥିଲେ ଏବଂ ତାଙ୍କ ପରିବାର ସଦସ୍ୟ ଏହା ଜାଣିଥିଲେ। ଏହା ପରେ ମଧ୍ୟ ବିଜୟ ନଗରର ବାସିନ୍ଦା ସତ୍ୟଦେବ ଚୌଧୁରୀ ଏହି ବିବାହ ପାଇଁ ମଧ୍ୟସ୍ଥ ହୋଇ ଉଭୟଙ୍କ ବିବାହ କରିଥିଲେ। ବିବାହ ପରେ ଯେତେବେଳେ ସତ୍ୟ ପଦାକୁ ଆସିଲା, ସେତେବେ ପୁଅ ଘର ପରିବାର ଆଶ୍ଚର୍ଯ୍ୟ ହୋଇଗଲୋ। ସମ୍ପୃକ୍ତ ଯୁବତୀ ନିଜେ କହିଛି ଯେ ସେ ବିବାହ କରିବାକୁ ଚାହୁଁ ନ ଥିଲେ। କିନ୍ତୁ ପରିବାର ଏହି ସତ୍ୟକୁ ଲୁଚାଇ ଜବରଦସ୍ତ ବିବାହ କରିଥିଲେ।
ପୋଲିସ ଷ୍ଟେଶନ ଦାୟିତ୍ୱରେ ଥିବା କୁଞ୍ଜ ବିହାରୀ ମିଶ୍ର କହିଛନ୍ତି ଯେ, ଏହି ମାମଲାର ତଦନ୍ତ ଆରମ୍ଭ ହୋଇଛି। କାର୍ଯ୍ୟାନୁଷ୍ଠାନ ସମ୍ପର୍କରେ ବରିଷ୍ଠ ଅଧିକାରୀଙ୍କ ପରାମର୍ଶ ନିଆଯାଉଛି।
