ନୂଆଦିଲ୍ଲୀ,୫।୬: ଟୁଇଟର୍ ଏବେ ବିବାଦରେ ଘେରରେ ପଡ଼ିଛି। ପୂର୍ବରୁ ଭାରତ ସରକାରଙ୍କ ଦ୍ୱାରା ପ୍ରଣୟନ କରାଯାଇଥିବା ନିୟମ ପାଳନ କରିବା ନେଇ ଟୁଇଟୁର ବିବାଦରେ ରହିଥିବାବେଳେ ଏବେ ଉପ ରାଷ୍ଟ୍ରପତି ଭେଙ୍କେୟା ନାଇଡୁଙ୍କ ଆକାଉଣ୍ଟ୍ରୁ ବ୍ଲୁ ଟିକ୍ ହଟାଇଛି। ସାଧାରଣତଃ ବ୍ଲୁ ଟିକ୍ ଲଗାଯାଇଥିବା ଆକାଉଣ୍ଟ୍ ଗୁଡ଼ିକୁ ଭେରିଫାଏଡ୍ ଭାବେ ଗ୍ରହଣ କରାଯାଇଥାଏ। ଏସବୁ ଆକାଉଣ୍ଟ୍ ଜନହିତରେ କାର୍ଯ୍ୟ କରୁଥିବା କୁହାଯାଇଥାଏ। ବ୍ଲୁ ବ୍ୟାଚ୍ ସକ୍ରିୟ ରହିଥିବା ଆକାଉଣ୍ଟ୍ ପାଇଁ ଜାରି ହୋଇଥାଏ। ଟୁଇଟରର ଏଭଳି କାର୍ଯ୍ୟ ନେଇ ଏବେ ପୁଣି ଅଡୁଆ ପରିସ୍ଥିତି ସୃଷ୍ଟି ହୋଇଛି। ପରବର୍ତ୍ତୀ ସମୟରେ ଟୁଇଟର ପକ୍ଷରୁ ଭୁଲ ସ୍ବୀକାର କରାଯାଇ ଉପରାଷ୍ଟ୍ରତିଙ୍କ ଆକାଉଣ୍ଟ୍ରେ ପୁଣି ବ୍ଲୁ ଟିକ୍ ରିଷ୍ଟୋର କରି ଦିଆଯାଇଥିଲା। କିଛି ଦିନ ଧରି ଆକାଉଣ୍ଟ୍ ଲଗ୍ଇନ୍ ନ ହେବାରୁ ଏଭଳି ହୋଇଥିବା ଟୁଇଟର୍ ପକ୍ଷରୁ ସଫେଇ ଦିଆଯାଇଛି।
