କୋହଲିଙ୍କ ସବୁଠାରୁ ଭଲ ଗୁଣ କ’ଣ ଜାଣନ୍ତି: ପ୍ରଶଂସାରେ ଶତମୁଖ ହୋଇ ଏଭଳି କହିଲେ କୋଚ୍‌…

ନୂଆଦିଲ୍ଲୀ,୫।୬: ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲରେ ଭାରତ-ନ୍ୟୁଜିଲାଣ୍ଡ ମଧ୍ୟରେ ମୁକାବିଲା ହେବ। ଜୁନ୍‌ ୧୮ରୁ ଡବ୍ଲୁଟିସି ଫାଇନାଲ ଇଂଲଣ୍ଡରେ ଖେଳାଯିବ। ଏହି ମହାମୁକାବିଲା ପୂର୍ବରୁ ଭାରତୀୟ ଟିମ୍‌ର ବ୍ୟାଟିଂ କୋଚ୍‌ ବିକ୍ରମ ରାଠୋର ଅଧିନାୟକ ବିରାଟ କୋହଲିଙ୍କ ପ୍ରଶଂସାରେ ଶତମୁଖ ହୋଇଛନ୍ତି। ସେ ତାଙ୍କର ବଡ଼ ଭଲଗୁଣ ବିଷୟରେ ଅବଗତ କରାଇଛନ୍ତି। କୋହଲି ଭିନ୍ନ-ଭିନ୍ନ ପରିସ୍ଥିତି ଅନୁଯାୟୀ ନିଜକୁ ଖାପ ଖୁଆଇ ନେଇଥାନ୍ତି। ଫଳରେ ସେ ଭଲ ପ୍ରଦର୍ଶନ କରିଥାନ୍ତି। ବ୍ୟାଟିଂରେ ସଫଳତାକୁ ନେଇ ତାଙ୍କୁ ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନ୍‌ଙ୍କ ମଧ୍ୟରେ ଗଣାଯାଏ।

ରାଠୋର ଏକ ସାକ୍ଷାତକାରରେ କହିଛନ୍ତି, କୋହଲି ନିଶ୍ଚିତ ଭାବେ ଦୁନିଆର ଶ୍ରେଷ୍ଠ ବ୍ୟାଟ୍ସମ୍ୟାନ। ତାଙ୍କ ରେକର୍ଡ କଥା କୁହେ। କୋହଲି ୨୦୧୬ରେ ୪ ଶତକ ମାରିବା ସହ ପାଖାପାଖି ୪୦ ଛକା ମାରିଥିଲେ। ତାଙ୍କର ଷ୍ଟ୍ରାଇକ୍‌ ରେଟ୍‌ ୧୫୦ରୁ ଅଧିକ ଥିଲା। ମୋଟାମୋଟି ଭାବେ ଦେଖିଲେ ସେ ନିଜକୁ ସବୁ ପରିସ୍ଥିତିରେ ନିଜକୁ ଖାପ ଖୁଆଇ ନିଅନ୍ତି। ପରିସ୍ଥିତି ଅନୁଯାୟୀ ବ୍ୟାଟିଂ କରିବା ତାଙ୍କର ସ୍ବତନ୍ତ୍ରତା ବୋଲି କୋଚ୍‌ କହିଛନ୍ତି।