ସାଉଥାମ୍ପଟନ,୧୭।୬: ଚଳିତ ବର୍ଷ ଫେବୃୟାରୀରେ ଭାରତୀୟ ଦ୍ରୁତ ବୋଲର ଜସପ୍ରିତ ବୁମ୍ରା ଲୋକପ୍ରିୟ ଟେଲିଭିଜନ ଉଦ୍ଘୋଷିକା ସଞ୍ଜନା ଗଣେଶନଙ୍କୁ ବିବାହ କରିଥିଲେ। ଉଭୟ ବିବାହ ପର୍ଯ୍ୟନ୍ତ ସମ୍ପର୍କକୁ ଲୁଚାଇ ରଖିଥିଲେ। ଏବେ ବୁମ୍ରା ବିଶ୍ୱ ଟେଷ୍ଟ ଚାମ୍ପିୟନଶିପ୍ ଫାଇନାଲ ଖେଳିବା ପ୍ରସ୍ତୁତିରେ ଲାଗିଛନ୍ତି। ଏହାପୂର୍ବରୁ ସେ ଆଇସିସି ପକ୍ଷରୁ ଆୟୋଜିତ ଏକ ସାକ୍ଷାତକାରରେ ଭାଗନେବାକୁ ନେଇ ଚର୍ଚ୍ଚାରେ ଅଛନ୍ତି। କାରଣ ଏହାର ହୋଷ୍ଟ ଥିଲେ ତାଙ୍କ ସ୍ତ୍ରୀ ସଞ୍ଜନା।
ବୁମ୍ରା ଯେତେବେଳେ ସାକ୍ଷାତକାର ପାଇଁ ପହଞ୍ଚିଛନ୍ତି ସଞ୍ଜନା ମଜାଳିଆ ଢ଼ଙ୍ଗରେ ‘ମୁ ଆପଣଙ୍କୁ ପୂର୍ବରୁ କେଉଁଠି ଦେଖିଛି’ ବୋଲି କହିଥିଲେ। ଜବାବରେ ବୁମ୍ରା ମୁଁ ବାସ୍ ପାଖରେ ହିଁ ଅଛି ବୋଲି କହିଥିବା ଦେଖାଯାଇଛି।
ସାକ୍ଷାତକାରରେ ବୁମ୍ରାଙ୍କୁ କିଛି ପୁରୁଣା ଫଟୋ ଦେଖାଯାଇ ତା’ ପଛରେ ଥିବା କାହାଣୀ ବିଷୟରେ ପଚରାଯାଇଥିଲା। ଗୋଟିଏ ଫଟୋ ବର୍ଡର-ଗାଭାସ୍କର ଟ୍ରଫିକୁ ନେଇଥିବା ବେଳେ ଆଉ ଗୋଟିଏ ଗୀଟାର ବଜାଇବାକୁ ନେଇ ପଚରାଯାଇଥିଲା। ସେହିଭଳି ସିକ୍ସ ପ୍ୟାକ୍ ଆବ୍ସକୁ ନେଇ ବୁମ୍ରାଙ୍କୁ ପ୍ରଶ୍ନ କରାଯାଇଥିଲା। ବିବାହର ମଧ୍ୟ ଏକ ଫଟୋ ଦେଖାଯାଇଥିଲା। ଫଟୋ ଦେଖି ବୁମ୍ରା ପଚାରିଥିଲେ ଏଥିରେ କିଏ ଅଛନ୍ତି, ପୂର୍ବରୁ ଦେଖିବା ଭଳି ଲାଗୁଛି? ଏହା ଶୁଣି ସଞ୍ଜନା ହସିଥିଲେ। ତେବେ ଏହା ତାଙ୍କ ଜୀବନର ସର୍ବଶ୍ରେଷ୍ଠ ଦିନ। ନିକଟରେ ହୋଇଛି। ଆପଣଙ୍କୁ ଏ ବିଷୟରେ ଜଣାଥିବ ବୋଲି ବୁମ୍ରା କହିଥିବା ଦେଖାଯାଇଛି।
Playing with his sister, starring in school cricket and ‘the best day’ of his life.@SanjanaGanesan takes @Jaspritbumrah93 through some Insta Memories before the #WTC21 Final 🎥 pic.twitter.com/k8FKUxgQJI
— ICC (@ICC) June 17, 2021
