ପଡିଆରେ ଟାଓ୍ବେଲ୍‌ ପିନ୍ଧି ଫିଲ୍ଡିଂ କଲେ ସାମି: ଦେଖନ୍ତୁ ଭିଡିଓ

ସାଉଥାମ୍ପଟନ୍‌,୨୩।୬: ବିଶ୍ୱ ଟେଷ୍ଟ ଚାମ୍ପିଅନ୍‌ଶିପ୍‌(ଡବ୍ଲୁଟିସି) ଫାଇନାଲ୍‌ରେ ଭାରତୀୟ ଦ୍ରୁତ ବୋଲର୍‌ ମହମ୍ମଦ ସାମି ଜବରଦସ୍ତ ବୋଲିଂ କରିଛନ୍ତି। ସେ ୪ଟି ଉଇକେଟ୍‌ ନେଇ ଭାରତୀୟ ଦଳକୁ ମ୍ୟାଚ୍‌କୁ ଫେରିବାରେ ସୁଯୋଗ ଦେଇଥିଲେ। ସାମି ନ୍ୟୁଜିଲାଣ୍ଡର ବିଜେ ଓ୍ବାଟଲିଂଙ୍କ ଉଇକେଟ୍‌ ନେବା ପରେୁ ବାଉଣ୍ଡ୍ରି ଲାଇନ୍‌କୁ ଫିଲ୍ଡିଂ କରିବାକୁ ଯାଇଥିଲେ। ସେଠାରେ ସେ ତାଙ୍କୁ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳିଥିଲା। ସେ ସାଥୀ ଖେଲାଳିଙ୍କଠାରୁ ଟାଓ୍ବେଲ୍‌ ଆଣି ପିନ୍ଧିଥିଲେ। ଏହି ସମୟରେ ଅମ୍ପାୟାର୍‌ ଲଞ୍ଚ୍‌ ବ୍ରେକ୍‌ ଘୋଷଣା କରିଥିଲେ। ଫଳରେ ସାମି ଟାଓ୍ବେଲ୍‌ ପିନ୍ଧି ଡ୍ରେସିଂ ରୁମ୍‌କୁ ଯାଇଥିଲେ। ସାମିଙ୍କ ଟାଓ୍ବୋଲ୍‌ ପିନ୍ଧା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ସୂଚନାଯୋଗ୍ୟ, ଏହି ମ୍ୟାଚ୍‌ରେ ଟସ ହାରିବା ପରେ ପ୍ରଥମେ ବ୍ୟାଟିଂ କରି ଭାରତ ପ୍ରଥମ ଇନିଂସରେ ୨୧୭ ରନ ସଂଗ୍ରହ କରିଥିଲା। ଏହାର ଜବାବରେ ନ୍ୟୁଜିଲାଣ୍ଡ ପ୍ରଥମ ଇନିଂସରେ ଡେଭନ କନୱେ (୫୪ ରନ) ଏବଂ କେନ ୱିଲିୟମସନ (୪୯ ରନ)ଙ୍କ ଉପଯୋଗୀ ରନ ସହାୟତାରେ ୨୪୯ ରନ ସଂଗ୍ରହ କରିଥିଲା।