ମୁମ୍ବାଇ,୩।୬: ଭାରତୀୟ ପୁରୁଷ କ୍ରିକେଟ ଦଳ ୧୦୪ ଦିନିଆ ଇଂଲଣ୍ଡ ଗସ୍ତରେ ଗୁରୁବାର ବାହାରିଛି। ଉଭୟ ମହିିଳା ଏବଂ ପୁରୁଷ ଦଳ ଏକ ଗସ୍ତରେ ଯାଇଛନ୍ତି। ଜୁନ୍ ୧୮ରେ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିଅନସିପ ଫାଇନାଲରେ ନ୍ୟୁଜିଲାଣ୍ଡକୁ ଭେଟିବାକୁ ଯାଉଛି ଭାରତ। ଏହା ପରେ ଇଂଲଣ୍ଡ ସହିତ ପାଞ୍ଚ ଟେଷ୍ଟ ସିରିଜ ଖେଳାଯିବ। ଭାରତୀୟ ମହିଳା ଦଳ ଇଂଲଣ୍ଡ ଗସ୍ତରେ ଗୋଟିଏ ଟେଷ୍ଟ ବ୍ୟତୀତ ତିନୋଟି ଏକଦିବସୀୟ ଏବଂ ତିନୋଟି ଟି-୨୦ ମ୍ୟାଚ ଖେଳିବାକୁ ପଡିବ। ଭାରତୀୟ ଅଧିନାୟକ ବିରାଟ କୋହଲି ଗସ୍ତ ପୂର୍ବରୁ କହିଛନ୍ତି, ନ୍ୟୁଜିଲାଣ୍ଡ ବିପକ୍ଷ ବିଶ୍ୱ ଟେଷ୍ଟ ଚାମ୍ପିଅନସିପ (ଡବ୍ଲୁଟିସି) ଫାଇନାଲ ପାଇଁ ତାଙ୍କ ଦଳର ସୀମିତ ପ୍ରସ୍ତୁତି ପାଇଁ ଚିନ୍ତିତ ନୁହେଁ। କାରଣ ସେ ବିଶ୍ୱାସ କରନ୍ତି ଯେ, ଅତୀତରେ ଇଂଲଣ୍ଡରେ ଖେଳିବାର ଅଭିଜ୍ଞତା ତାଙ୍କୁ ପରିସ୍ଥିତି ବିଷୟରେ ଖାପ ଖୁଆଇବାକୁ ଯଥେଷ୍ଟ। କରୋନା ମହାମାରୀ ମଧ୍ୟରେ କ୍ରିକେଟରମାନେ ମାନସିକ ସ୍ତରରେ କ୍ଲାନ୍ତ ବାୟୋ ବବୁଲରେ ରହିବାକୁ ବାଧ୍ୟ ହେଉଛନ୍ତି ବୋଲି ସେ କହିଛନ୍ତି।
ଆଇସିସି ଟେଷ୍ଟ ମାନ୍ୟତାରେ ଭାରତୀୟ ପୁରୁଷ କ୍ରିକେଟ ଦଳ ନମ୍ବର ୧ ସ୍ଥାନରେ ଥିବାବେଳେ ନ୍ୟୁଜିଲାଣ୍ଡ ଦଳ ଦ୍ୱିତୀୟ ସ୍ଥାନରେ ରହିଛି। ଏଭଳି ପରିସ୍ଥିତିରେ ଡବ୍ଲୁଟିସି ଫାଇନାଲରେ ଦୁଇ ଦଳ ମଧ୍ୟରେ କଡ଼ା ପ୍ରତିଯୋଗିତା ହେବ।
Off we go ✈️#TeamIndia pic.twitter.com/4k7wOOVpdA
— BCCI (@BCCI) June 2, 2021
