ନୂଆଦିଲ୍ଲୀ,୬।୬: ଘରେ ରାଶନ ପହଞ୍ଚାଇବା ପାଇଁ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲଙ୍କ ପକ୍ଷରୁ କରାଯାଇଥିବା ଯୋଜନା ନେଇ କେନ୍ଦ୍ରର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ମୁହଁ ଖୋଲିଛନ୍ତି। କେଜରିଓ୍ବାଲ କେନ୍ଦ୍ର ସରକାରଙ୍କ ରାଷ୍ଟ୍ରୀୟ ଖାଦ୍ୟ ସୁରକ୍ଷା ଯୋଜନାରେ ବାଧା ସୃଷ୍ଟି କରୁଛନ୍ତି। କେନ୍ଦ୍ର ସରକାର କହିଛନ୍ତି ଯେ, ରାଷ୍ଟ୍ରୀୟ କଳ୍ୟାଣକାରୀ ଯୋଜନାରୁ କୌଣସି ନାଗରିକଙ୍କୁ ବଞ୍ଚିତ କରାଯିବ ନାହିଁ। ତେବେ ଦିଲ୍ଲୀ ସରକାର ଅନ୍ୟ କୌଣସି ଯୋଜନା ମାଧ୍ୟମରେ ଘରେ ଘରେ ରାଶନ ବଣ୍ଟନ କରିପାରିବେ। ଏଥିରେ କେନ୍ଦ୍ରର କୌଣସି ଆପତ୍ତି ନାହିଁ। ରାଷ୍ଟ୍ରୀୟ ଖାଦ୍ୟ ସୁରକ୍ଷା ଅନ୍ତର୍ଗତ ଦିଲ୍ଲୀ ନିଜର କୋଟା ଅନୁସାରେ ୩୭,୪୦୦ ମେଟ୍ରିନ୍ ଟନ୍ ଖାଦ୍ୟଶସ୍ୟ ସଂଗ୍ରହ କରୁଛି। ଏହାର ୯୦ ପ୍ରତିଶତ ପର୍ଯ୍ୟନ୍ତ ଆବଣ୍ଟିତ କରାଯାଉଥିବା କେନ୍ଦ୍ର ସରକାର କହିଛନ୍ତି।
