ମୁମ୍ବାଇ,୮।୬: ମିଥ୍ୟା ଜାତିଗତ ପ୍ରମାଣପତ୍ର ଦାଖଲ କରିବା ମହାରାଷ୍ଟ୍ରର ସ୍ବାଧୀନ ଏମ୍ପି ନବନୀତ କୌର ରାଣାଙ୍କୁ ମହଙ୍ଗା ପଡ଼ିଛି। ଏଥିନେଇ ବମ୍ବେ ହାଇକୋର୍ଟ ତାଙ୍କ ଉପରେ ୨ ଲକ୍ଷ ଟଙ୍କାର ଜରିମାନା ଲଗାଇଛନ୍ତି। ଏପରି କି ମହାରାଷ୍ଟ୍ରର ବିଦର୍ଭ ଅଞ୍ଚଳର ଅମରାବତୀ ଆସନରୁ ପ୍ରଥମ ଥର ପାଇଁ ସଂସଦକୁ ନିର୍ବାଚିତ ହୋଇଥିବା ନବନୀତଙ୍କୁ ଏମ୍ପି ଆସନ ହରାଇବାକୁ ପଡ଼ିପାରେ। ତେବେ କୋର୍ଟ ଏ ସଂକ୍ରାନ୍ତରେ କୌଣସି ମତ ଦେଇ ନାହାନ୍ତି।
୭ ଭାଷା ଜାଣିଥିବା ୩୫ ବର୍ଷୀୟା ନବନୀତ ମହାରାଷ୍ଟ୍ରର ୮ ମହିଳା ଏମ୍ପିଙ୍କ ମଧ୍ୟରୁ ଜଣେ। ଅଭିନୟ ଛାଡ଼ି ରାଜନୀତିରେ ପାଦ ଦେଇଥିବା ନବନୀତଙ୍କ ପ୍ରାର୍ଥୀତ୍ୱକୁ ଚ୍ୟାଲେଞ୍ଜ କରିଥିଲେ ପୂର୍ବତନ ଏମ୍ପି ତଥା ଶିବ ସେନା ନେତା ଆନନ୍ଦରାଓ ଅଦସୁଲ।
ଗତ ମାର୍ଚ୍ଚରେ ଶିବ ସେନା ଏମ୍ପି ଅରବିନ୍ଦ ସାଓ୍ବନ୍ତ ଏସିଡି ମାଡ଼ ଧମକ ଦେଇଥିବା ଅଭିଯୋଗ କରି ଚର୍ଚ୍ଚାକୁ ଆସିଥିଲେ ନବନୀତ। ଏ ସମ୍ପର୍କରେ ବାଚସ୍ପତି ଓମ ବିର୍ଲାଙ୍କ ନିକଟରେ ମଧ୍ୟ ଅଭିଯୋଗ କରିଥିଲେ।
