ଏକ ବିବାହ ମଣ୍ଡପରେ ବରଙ୍କୁ କନ୍ୟାଙ୍କ ସାନ ଭଉଣୀ ଅର୍ଥାତ୍ ଶାଳୀ ଚୁମ୍ବନ ଦେବା ଘଟଣା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି। ଯେତେବେଳେ ବିବାହ ସମାରୋହରେ ବରଣମାଳା କାର୍ଯ୍ୟକ୍ରମ ହେଉଥିଲା। ଜଣେ ଜଣଙ୍କୁ ମାଳା ପିନ୍ଧାଇବାର ଥିଲା। ଏହା ପରେ ଫଟୋ ଉଠା ଆରମ୍ଭ ହୋଇଥିଲା। ଠିକ୍ ଏହି ସମୟରେ ବରଙ୍କ ପାଖରେ ବସିଥିଲେ କନ୍ୟାଙ୍କ ସାନ ଭଉଣୀ। ତାଙ୍କ ମନରେ କ’ଣ ଆସିଲା କେଜାଣି ସେ ସଙ୍ଗେ ସଙ୍ଗେ ଭିଣୋଇଙ୍କୁ ଜାବୁଡ଼ି ଧରି ଚୁମ୍ବନ ଦେଲେ। ଏହା ଦେଖି ଲାଜେଇ ଯାଇଥିଲେ ବର। ବିବାହ ଉତ୍ସବରେ ଯୋଗ ଦେଇଥିବା ଅତିଥିମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ବରଙ୍କୁ ଶାଳୀ ଦେଇଥିବା ଚୁମ୍ବନ ଏବେ ସୋସିଆଲ ମିଡିଆରେ ତୀବ୍ର ବେଗରେ ଭାଇରାଲ ହେଉଛି।
ଭିଡିଓ ଦେଖି ୟୁଜର ମାନେ ମଧ୍ୟ ନାନା କମେଣ୍ଟ ଦେଉଛନ୍ତି। ଜଣେ ୟୁଜର ଲେଖିଛନ୍ତି, ଟେନ୍ସନ ନିଅନ୍ତୁନି। ଶାଳୀ ଅଧା ଘରବାଲି। ଆଉ ଜଣେ ୟୁଜର ଲେଖିଛନ୍ତି, ଏହା ଅତ୍ୟନ୍ତ ଲଜ୍ଜାକର ବିଷୟ। ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ଏତିକି ଯଦି ବର କରିଥାନ୍ତେ ତେବେ କନ୍ୟା ଚପଲରେ ମାରିଥାନ୍ତେ। ଇନ୍ଷ୍ଟାଗ୍ରାମରେ ଶେୟାର ହୋଇଥିବା ଏହି ଫଟୋକୁ ବର୍ତ୍ତମାନ ସୁଦ୍ଧା ୧୫୦୦ରୁ ଅଧିକ ଲୋକ ଦେଖିସାରିଲେଣି। କମେଣ୍ଟ ବି ବହୁତ ଦେଖିବାକୁ ମିଳିଛି।
