୪୭ ବର୍ଷ ପୂର୍ବେ ଠିକ୍ ଆଜିର ଦିନ ଲର୍ଡସରେ ଭାରତୀୟ କ୍ରିକେଟ ଦଳ ଏକ ଲଜ୍ଜାଜନକ ରେକର୍ଡ ହାସଲ କରିଥିଲା। ୧୯୭୪ ମସିହାରେ ଅଜିତ ୱାଡେକରଙ୍କ ନେତୃତ୍ୱରେ ଭାରତୀୟ ଦଳ ଏହି ଟେଷ୍ଟ ମ୍ୟାଚ ଏକ ଇନିଂସ ଏବଂ ୨୮୫ ରନରେ ଇଂଲଣ୍ଡଠାରୁ ପରାସ୍ତ ହୋଇଥିଲା। ଦ୍ୱିତୀୟ ଇନିଂସରେ ଇଂଲଣ୍ଡ ବିପକ୍ଷରେ ଭାରତ ମାତ୍ର ୪୨ ରନ୍ରେ ଅଲଆଉଟ୍ ହୋଇଯାଇଥିଲା। ସେତେବେଳେ ଟେଷ୍ଟ କ୍ରିକେଟରେ ଏହା ଭାରତର ସର୍ବନିମ୍ନ ସ୍କୋର ଥିଲା। ତେବେ ଗତ ବର୍ଷ ଅଷ୍ଟ୍ରେଲିଆର ଆଡିଲେଡରେ ଭାରତର ସର୍ବନିମ୍ନ ରନ ରେକର୍ଡ ଭାଙ୍ଗି ଯାଇଥିଲା। ଏହି ଟେଷ୍ଟରେ ମାତ୍ର ୩୬ ରନ୍ରେ ସୀମିତ ହୋଇଯାଇଥିଲା। ୱାଡେକରଙ୍କ ଦଳରେ ସୁନୀଲ ଗାଭାସ୍କର, ଗୁଣ୍ଡାପ୍ପା ବିଶ୍ୱନାଥ, ମଦନ ଲାଲ, ବିଶନ୍ ସିଂ ବେଦୀ, ଏରାପଲ୍ଲୀ ପ୍ରସନ୍ନ ଏବଂ ଭାଗବତ ଚନ୍ଦ୍ରଶେଖରଙ୍କ ପରି ଭେଟେରାନ ଖେଳାଳି ଉପସ୍ଥିତ ଥିଲେ ମଧ୍ୟ ଦଳ ୪୨ ରନ୍ରେ ଅଲଆଉଟ୍ ହୋଇଯାଥିଲା। ଏହାପରେ ଅଜିତ ଓ୍ବାଡେକର ଟେଷ୍ଟରୁ ସନ୍ୟାସ ନେଇଥିଲେ।
