ଝଗଡ଼ା କରୁକରୁ ବାଲକୋନୀରୁ ୨୫ ଫୁଟ ତଳକୁ ଖସିପଡ଼ିଲେ ସ୍ବାମୀ-ସ୍ତ୍ରୀ: ଭିଡିଓ ଦେଖିଲେ ଆପଣ ବି…

ନୂଆଦିଲ୍ଲୀ: ପରିବାର ମଧ୍ୟରେ ସ୍ବାମୀସ୍ତ୍ରୀଙ୍କ ଝଗଡ଼ା କିଛି ନୂଆ କଥା ନୁହେଁ। ହେଲେ ବେଳେବେଳେ ଝିମିଟି ଖେଳରୁ ମହାଭାରତ ପରି ସାମାନ୍ୟ କଳି ମାରପିଟ୍‌ ପର୍ଯ୍ୟନ୍ତ ଯାଇଥାଏ। ସୋସିଆଲ ମିଡିଆରେ ସ୍ବାମୀସ୍ତ୍ରୀ ମଧ୍ୟରେ ଝଗଡ଼ାର ଏଭଳି ଏକ ଭିଡିଓ ଭାଇରାଲ ହେଉଛି। ହେଲେ ଝଗଡ଼ା ପରେ ଯାହା ଘଟୁଛି ତାହା ଦେଖିଲେ ଆପଣ ବି ଚମକି ପଡ଼ିବେ।

ଭିଡିଓର ଆରମ୍ଭରେ ସ୍ବାମୀ-ସ୍ତ୍ରୀଙ୍କ ମଧ୍ୟରେ ଝଗଡ଼ା ହେଉଥିବା ଦେଖିବାକୁ ମିଳୁଛି। ଧିରେଧିରେ ଉଭୟ ବାଲକୋନୀକୁ ଚାଲି ଆସୁଛନ୍ତି। ସେଠାରେ ମାର୍‌ପିଟ ଲାଗିବା ବେଳେ ରେଲିଂ ଭାଙ୍ଗି ଯିବା ଯୋଗୁ ସେମାନେ ୨୫ ଫୁଟ ତଳକୁ ହଠାତ୍‌ ଖସି ପଡ଼ୁଛନ୍ତି। ରାସ୍ତା ଉପରେ ସେମାନେ ପଡ଼ିଯିବା ଦେଖି ଅନେକ ଲୋକ ଚକିତ ହୋଇଯାଉଛନ୍ତି। ଲୋକେ ଆମ୍ବୁଲାନ୍ସ ଡାକି ଉଭୟଙ୍କୁ ଡାକ୍ତରଖାନା ପଠାଉଥିବା ନଜର ଆସୁଛି।

ଘଟଣାଟି ପିଟସବର୍ଗର ବୋଲି ଜଣାପଡ଼ିଛି। ବାଲକୋନୀରୁ ତଳକୁ ଖସିପଡ଼ିବା ଯୋଗୁ ସ୍ବାମୀସ୍ତ୍ରୀ ଗୁରୁତର ଆହତ ହୋଇଛନ୍ତି। ସେମାନଙ୍କ ଚିକିତ୍ସା ଜାରି ରହିଛି। ଅପରପକ୍ଷେ କେହି ଭିଡିଓଟିକୁ ସୋସିଆଲ ମିଡିଆରେ ଛାଡ଼ି ଦେବା ପରେ ଏହା ଭାଇରାଲ ହେବାରେ ଲାଗିଛି। ବ୍ୟବହାରକାରୀ ଏଥିରେ ଅନେକ ପ୍ରକାର କମେଣ୍ଟ ଦେଉଛନ୍ତି।