ନୂଆଦିଲ୍ଲୀ,୧୭।୬: ଦେଶରେ କରୋନା ସଂକ୍ରମଣ ଯୋଗୁ ସ୍ଥିତିରେ ଧୀରେଧୀରେ ସୁଧାର ଆସୁଛି। ସଂକ୍ରମଣରୁ ଦୂରେଇ ରହିବା ଲାଗି ସରକାରଙ୍କ ପକ୍ଷରୁ ସାର୍ବଜନୀକ ଟିକାକରଣ ଅଭିଯାନ ଜାରି ରହିଛି। ତେବେ ଏବେ ଦିଲ୍ଲୀରୁ ଖୁସି ଖବର ଆସିଛି। ବାୟୋଲୋଜିକାଲ-ଇ ପକ୍ଷରୁ ପ୍ରସ୍ତୁତ କରାଯାଇଥିବା ସ୍ବଦେଶୀ ଭାକ୍ସିନ୍ କୋର୍ବେଭାକ୍ସ୍ କରୋନାକୁ ହରାଇବାକୁ ସକ୍ଷମ ହେବ। ଏହି ଭାକ୍ସିନ୍ ୯୦ ପ୍ରତିଶତ ଫଳପ୍ରଦ ହେବ ବୋଲି କେନ୍ଦ୍ର ସରକାରଙ୍କ କୋଭିଡ୍ ଓ୍ବାର୍କିଂ ଗ୍ରୁପ୍ ଅଧ୍ୟକ୍ଷ ଡ. ନରେନ୍ଦ୍ର କୁମାର ଆରୋରା ସୂଚନା ଦେଇଛନ୍ତି। ଡ. ଆରୋରା ନ୍ୟାଶନାଲ ଏହାର ଦୁଇ ଡୋଜ୍ର ଦାମ ୨୫୦ ଟଙ୍କା ରହିବ। ଭାକ୍ସିନ୍ର ତୃତୀୟ ପର୍ଯ୍ୟାୟ ପରୀକ୍ଷା ଜାରି ରହିଛି। ଏହା ଅକ୍ଟୋବର ଶେଷ ସୁଦ୍ଧା ଉପଲବ୍ଧ ହେବାର ଆଶା ରହିଛି ବୋଲି ଆରୋରା କହିଛନ୍ତି। କୋର୍ବେଭାକ୍ସ୍ ଭାକ୍ସିନ୍ର ନୋଭାଭାକ୍ସ୍ ସହିତ ସାମ୍ୟତା ରହିଛି। ନୋଭାଭାକ୍ସ୍କୁ ସେରମ୍ ଇନଷ୍ଟିଚ୍ୟୁଟ୍ ଦ୍ୱାରା ପ୍ରସ୍ତୁତ କରାଯିବାର ଯୋଜନା ରହିଛି।
