ଶେଷରେ କ୍ଷମା ମାଗିଲା ଗୁଗଲ୍‌, ଜାଣନ୍ତୁ କାହିଁକି

ଗୁଗଲ୍‌ରେ ସର୍ଚ୍ଚ କରିବା ବେଳେ ‘ଭାରତରେ ସବୁଠାରୁ ଖରାପ ଭାଷା କ’ଣ? ଏହାର ଉତ୍ତରରେ ଗୁଗଲ୍‌ ସର୍ଚ୍ଚ ଇଞ୍ଜିନ୍‌ରେ ଉତ୍ତର ଥିଲା ‘କନ୍ନଡ’। ଏହି କଥା ଜାଣିବା ପରେ କନ୍ନଡ ଭାଷାଭାଷୀ ଗୁଗଲ୍‌ ଏହାକୁ ହଟାଇବା ପାଇଁ ଦାବି କରିଥିଲେ। ପରେ ଗୁଗଲ୍‌ ଏହାକୁ ହଟାଇବା ସହ କ୍ଷମା ପ୍ରାର୍ଥନା ମଧ୍ୟ କରିଛି।

ଗୁରୁବାର ଗୁଗଲ୍‌ ସର୍ଚ୍ଚ ଇଞ୍ଜିନ୍‌ରେ ଏପରି ଘଟଣା ଘଟିଥିଲା। ଯେଉଁ କାରଣରୁ କନ୍ନଡ ଭାଷାଭାଷୀମାନେ ପ୍ରବଳ ବିରୋଧ କରିଥିଲେ। ଫଳରେ ଗୁଗଲ୍‌କୁ କ୍ଷମା ମାଗିବାକୁ ପଡ଼ିଲା। ବାଙ୍ଗାଲୁରୁର ଏମ୍‌ପି ପିସି ମୋହନ କହିଛନ୍ତି ଯେ, ବିଜୟନଗର ପାଇଁ କନ୍ନଡ ଭାଷାର ସମୃଦ୍ଧ ଐତିହ୍ୟ ରହିଛି। ବିଶ୍ୱର ସବୁଠୁ ପୁରାତନ ଭାଷା ମଧ୍ୟରେ କନ୍ନଡ ଅନ୍ୟତମ। ମହାନ ବିଦ୍ୱାନ ଜେଫ୍ରି ଚୌସରଙ୍କ ପୂର୍ବରୁ ଭାରତର ମହାନ ପଣ୍ଡିତମାନେ ମହାକାବ୍ୟ ଲେଖିଥିଲେ। ତେଣୁ ଗୁଗଲ୍‌ କ୍ଷମା ମାଗିବା ଜରୁରୀ।

ଅନ୍ୟପକ୍ଷରେ ଗୁଗଲ୍‌ କହିଛି, ସର୍ଚ୍ଚ ସବୁବେଳେ ପରଫେକ୍ଟ ହୋଇ ନ ଥାଏ। ଇଣ୍ଟରନେଟ୍‌ରେ ଯେକୌଣସି ବିଷୟବସ୍ତୁକୁ ପରିଭାଷିତ କରାଯାଏ। ଏକ ପ୍ରଶ୍ନର ଉତ୍ତରରେ ଯାହା ଫଳାଫଳ ସାମ୍ନାକୁ ଆସିଥାଏ। ଆମେ ଜାଣୁ ଏହା ଠିକ୍‌ ନୁହେଁ। ଯଦି କୌଣସି ଅଭିଯୋଗ ଆମ ନିକଟରେ ଦାଖଲ ହୁଏ ତେବେ ଆମେ ତୁରନ୍ତ ଏହାକୁ ସଂଶୋଧନ କରୁ। ଆମେ ଆମର ଅଲଗୋରିଦମକୁ ଠିକ୍‌ କରିବା ପାଇଁ କ୍ରମାଗତ ଭାବରେ କାର୍ଯ୍ୟ କରୁଛୁ। ଏପରି ଫଳାଫଳ ଗୁଗଲ୍‌ର ମତକୁ ପ୍ରତିଫଳିତ କରିଥାଏ। ଏହି ଭୁଲ୍‌ ବୁଝାମଣା ପାଇଁ ଏବଂ ଲୋକଙ୍କ ଭାବନାକୁ ଆଘାତ ଦେଇଥିବାରୁ ଆମେ କ୍ଷମା ମାଗୁଛୁ।