ପରିବେଶକୁ ପ୍ରଦୂଷଣ ମୁକ୍ତ ରଖିତ୍ବା ପାଇଁ ଯେଉଁ କେତେଜଣ ପ୍ରୟାସ ଜାରି ରଖିତ୍ଛନ୍ତି ସେମାନଙ୍କ ମଧ୍ୟରେ ଉତ୍ତରପ୍ରଦେଶର ସମୀକ୍ଷା ଗନେରିଓ୍ବାଲ ସମ୍ପୂର୍ଣ୍ଣ ଭିନ୍ନ। ସମୀକ୍ଷା ପ୍ଲାଷ୍ଟିକ ବ୍ୟବହାର କମାଇବା ଲାଗି କାଗଜ ବୋତଲ ତିଆରି କରୁଛନ୍ତି। ଭାରତରେ ଏହା ପ୍ରଥମ କରି ସେ ତିଆରି କରିଛନ୍ତି। କେବଳ କାଗଜ ବର୍ଜ୍ୟରୁ ହିଁ ଏହା ତିଆରି କରାଯାଉଛିି। ଏହା ପ୍ଲାଷ୍ଟିକ ବୋତଲଠାରୁ ଶସ୍ତା। ଏହା ଶତ ପ୍ରତିଶତ ବିଘଟନଯୋଗ୍ୟ। ଖୁବ୍ କମ୍ ଦିନରେ ଏହା ମାଟିରେ ମିିଶିଯାଉଛି। ଏଥିରେ ପାନୀୟ, ବିଭିନ୍ନ ପ୍ରକାର ତରଳ ଏବଂ ପାଉଡର ରଖାଯାଇପାରୁଛି। ସମୀକ୍ଷା ଏମ୍ବିଏ ଶେଷ କରିବା ପରେ ଏହି କାର୍ଯ୍ୟରେ ଲାଗି ପଡ଼ିଛନ୍ତି। ସେ ନୋଏଡାରେ ‘କାଗ୍ଜି ବଟଲସ୍’ କମ୍ପାନୀ ପ୍ରତିଷ୍ଠା କରି ସେଠାରେ ବୋତଲ ତିଆରି କରୁଛନ୍ତି। ୨୦୧୮ରେ କାଗଜ ବୋତଲ ନିର୍ମାଣ କରିବାକୁ ପ୍ରୟାସ କରିଥିଲେ ବି ଏହାର ଦୁଇବର୍ଷ ପରେ ଡିସେମ୍ବର ୨୦୨୦ରେ ପ୍ରଥମେ ଏହାର ପ୍ରତିକୃତି ନିର୍ମାଣ କରିବାରେ ସଫଳ ହୋଇଥିତ୍ଲେ। ଭାରତରେ ବର୍ଷକୁ ୩୦ ଲକ୍ଷ ମେଟ୍ରିକ ଟନ୍ ପ୍ଲାଷ୍ଟିକ ବର୍ଜ୍ୟ ବାହାରେ ଓ ଏହାକୁ ହ୍ରାସ କରିବାକୁ ସେ ଲକ୍ଷ୍ୟ ରଖିଛନ୍ତି । ଏବେ ତାଙ୍କ ପାଖରେ ଅଧିକ ଅର୍ଡର ପହଞ୍ଚୁଛି ଓ ମାସକୁ ସେ ୨ ଲକ୍ଷ ବୋତଲ ଉପତ୍ାଦନ କରିପାରିବେ ବୋଲି କହନ୍ତି ୩୮ ବର୍ଷୀୟା ସମୀକ୍ଷା।
