ନୂଆଦିଲ୍ଲୀ,୧୩।୬: ସାରା ଦେଶ କୋଭିଡ୍ ମହାମାରୀ ଭୟରେ ଦିନ କାଟୁଛନ୍ତି। କୋଭିଡ୍ ଟିକା ନେବା ଦ୍ୱାରା ମହାମାରୀରୁ କିଛି ମାତ୍ରାରେ ସୁରକ୍ଷିତ ରହିପାରିବା ବୋଲି କୁହାଯାଇଛି। ହେଲେ ଏହି ସମୟରେ କିଛି ରୋଚକ ତଥ୍ୟ ସମ୍ନାକୁ ଆସିଛି। ମେ ମାସରେ ଘରୋଇ ଡାକ୍ତରଖାନାଗୁଡିକରେ ମାତ୍ର ୧୭.୦୫% ଡୋଜ ବ୍ୟବହାର କରାଯାଇଥିବା ବେଳେ ବହୁତ ଡୋଜ ଅବ୍ୟବହୃତ ହୋଇ ରହିଥିବା ଜଣାପଡିଛି। ବର୍ତ୍ତମାନ ସାରା ଦେଶରେ ଟିକା ଅଭାବ ଦେଖା ଦେଇଥିବା ବେଳେ ଏଭଳି ଏକ ଘଟଣା ଖୋଦ ସରକାରୀଙ୍କ ପକ୍ଷରୁ କୁହାଯାଇଛି। ଘରୋଇ ହସ୍ପିଟାଲଗୁଡିକ ଆବଶ୍ୟକ ପରିମାଣରେ ଟିକା ଦିଆଯାଇଥିଲେ ମଧ୍ୟ ତାହାର ସଠିକ ବ୍ୟବହାର ହୋଇନାହିଁ ବୋଲି ସରକାରୀ ତଥ୍ୟରେ ଉଲ୍ଲେଖ ପାଇଛି। ଜୁନ୍ ୪ରେ ସ୍ବାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ ମେ’ରେ ଦେଶରେ କରୋନା ଟିକାର ୭.୪ କୋଟି ଡୋଜ ଉପଲବ୍ଧ ଥିଲା।
