୮୩ ବର୍ଷରେ ଫିଟ୍‌ ଅଛନ୍ତି ଏହି ମହିଳା: ଶାଢି ପିନ୍ଧି କଲେ ଏମିତି କାମ

ଆଜିକାଲି ସୋସିଆଲ ମିଡିଆରେ ଜଣେ ମହିଳାଙ୍କ ଭିଡିଓ ଭାଇରାଲ ହେବାରେ ଲାଗିଛି। ଏହି ମହିଳା ଜଣଙ୍କ ହେଉଛନ୍ତି ୮୩ ବର୍ଷିୟା ଭାରୋତ୍ତୋଳନକାରୀ କିରଣ ବାଇ। କିରଣ ବାଇଙ୍କ ନାତି ସୋସିଆଲ ମିଡିଆରେ ତାଙ୍କ ଜେଜେମା’ଙ୍କ ଭିଡିଓ ଏବଂ ଫଟୋ ଶେୟାର କରିଛନ୍ତି, ଯାହା ଏବେ ଭାଇରାଲ ହେବାରେ ଲାଗିଛି। କିରଣ ଚେନ୍ନାଇରେ ରୁହନ୍ତି। ପିଲାଦିନରୁ ସେ ଖୋ ଖୋ, କବାଡି ପରି କ୍ରୀଡା ପ୍ରତି ଆଗ୍ରହୀ ଥିଲେ। ଏହି ବୟସରେ ମଧ୍ୟ ସେ ବହୁତ ଫିଟ। ଭାରୋତ୍ତୋଳନକାରୀ ହେବାକୁ ତାଙ୍କର ଯାତ୍ରା ଗତ ବର୍ଷ ଏକ ଦୁର୍ଘଟଣା ପରେ ଆରମ୍ଭ ହୋଇଥିଲା। ଗତ ବର୍ଷ ଏକ ଦୁର୍ଘଟଣାରେ ଗୋଡରେ ଆଘାତ ପାଇଥିଲେ। ଏହି କାରଣରୁ ସେ ସଠିକ ଚାଲିବା ପାଇଁ ବହୁତ ସମୟ ଲାଗିଥିଲା। ସେ ପୁଣି ଚାଲିବାକୁ ସକ୍ଷମ ହେବେ କି ନାହିଁ ସେ ଭୟଭୀତ ହେବାକୁ ଲାଗିଲେ। ଏକ ସାକ୍ଷାତକାରରେ ସେ କହିଥିଲେ ଯେ, ତାଙ୍କ ନାତି ଜଣେ ଜିମ ପ୍ରଶିକ୍ଷକ ଏବଂ ତାଙ୍କ ନାତି ହିଁ ତାଙ୍କ ଚାଲିବାର ପାଇଁ ସମ୍ପୂର୍ଣ୍ଣ ଦାୟିତ୍ୱ ଥିଲେ। ପୁରା ଘରକୁ ଏକ ଜିମରେ ପରିଣତ କରିଥିଲେ। ନାତି ମଧ୍ୟ ତାଙ୍କ ଜେଜେମା’ଙ୍କ ପାଇଁ ବ୍ୟାୟାମ ବ୍ୟବସ୍ଥା କରିଥିଲେ। ସେହି ଦିନଠାରୁ ସେ ଆଉ ପଛକୁ ଚାହିଁ ନ ଥିଲେ। ସେ ସପ୍ତାହରେ ତିନିଥର ଭାର ଉଠାନ୍ତି। ଚଳିତ ବର୍ଷ ତାଙ୍କର ୮୩ ତମ ଜନ୍ମଦିନରେ, ନାତି ମଧ୍ୟ ତାଙ୍କର ଏକ ଭିଡିଓ ଶେୟାର କରିଛନ୍ତି, ଯେଉଁଥିରେ ସେ ୨୫ କିଲୋଗ୍ରାମ ଓଜନ ଉଠାଉଥିବାର ନଜର ଆସିଛନ୍ତି।