ଟିକା ନୁହେଁ, ସରକାର ବ୍ଲୁ-ଟିକ୍‌ ପାଇଁ ଲଢୁଛନ୍ତି: ରାହୁଲ

ନୂଆଦିଲ୍ଲୀ,୬।୬: ଆଜିକାଲି ମାଇକ୍ରୋ ବ୍ଲଗିଂ ସାଇଟ ଟୁଇଟର ଏବଂ କେନ୍ଦ୍ର ସରକାର ମୁହାଁମୁହିଁ ହୋଇଛନ୍ତି। ପ୍ରଥମେ ଆଇଟିର ନୂତନ ନିୟମକୁ ନେଇ ଟୁଇଟର ଏବଂ ସରକାରଙ୍କ ମଧ୍ୟରେ ବିବାଦ ଦେଖାଦେଇଥିଲା ଏବଂ ଏହା ପରେ ଉପରାଷ୍ଟ୍ରପତିଙ୍କ ସମେତ ବହୁ ଆରଏସଏସ ନେତାଙ୍କ ଆକାଉଣ୍ଟରୁ ବ୍ଲୁ-ଟିକ୍‌ ହଟାଇବାକୁ କେନ୍ଦ୍ର ଆପତ୍ତି କରିଥିଲା। ଏବେ କଂଗ୍ରେସ ନେତା ରାହୁଲ ଗାନ୍ଧୀ ଏହି ବିବାଦ ଉପରେ ସରକାରଙ୍କୁ ଟାର୍ଗେଟ କରିଛନ୍ତି। ରାହୁଲ ଗାନ୍ଧୀ ରବିବାର ଟୁଇଟ କରି କହିଛନ୍ତି, ମୋଦି ସରକାର ବ୍ଲୁ ଟିକ ପାଇଁ ଲଢୁଛନ୍ତି। ଯଦି ଆପଣ କୋଭିଡ ଟିକା ଚାହୁଁଛନ୍ତି ତେବେ ଆତ୍ମନିର୍ଭରଶୀଳ ହୁଅନ୍ତୁ! କରୋନା ଅବଧିରେ ରାହୁଲ ଗାନ୍ଧୀ କେନ୍ଦ୍ରରେ ନରେନ୍ଦ୍ର ମୋଦି ସରକାରଙ୍କ ଉପରେ କ୍ରମାଗତ ଟାର୍ଗେଟ କରୁଛନ୍ତି। ଗତ ଶନିବାର ରାହୁଲ ଗାନ୍ଧୀ ଟିକା ପ୍ରସଙ୍ଗରେ କେନ୍ଦ୍ରକୁ ଘେରିଥିଲେ।