ଲଳିତପୁର,୧୦।୬: ଦେଶରେ କରୋନା ମହାମାରୀ ସଂକ୍ରମଣ ଯୋଗୁ ସଙ୍କଟ ସୃଷ୍ଟି ହୋଇଛି। ଏପରିସ୍ଥଳେ ସରକାରଙ୍କ ପକ୍ଷରୁ ସାର୍ବଜନୀକ ଟିକାକରଣ ଅଭିଯାନ ଜାରି ରହିଛି। ତେବେ ଡୋଜ୍ ନଷ୍ଟ ହେବା ଏବଂ ଟିକାଦାନରେ ଅବହେଳା କରାଯାଉଥିବା କେତେକ ଅଭିଯୋଗ ହୋଇଛି। ଉତ୍ତରପ୍ରଦେଶ ଲଳିତପୁରରେ ଜଣେ ଯୁବକଙ୍କୁ ୫ ମିନିଟ୍ ମଧ୍ୟରେ ଟିକାର ୨ଟି ଡୋଜ୍ ଦିଆଯାଇଛି। ନର୍ସିଂ ଷ୍ଟାଫ୍ ନିଜ ନିଜ ମଧ୍ୟରେ ଗପୁଗପୁ ଅନ୍ୟମନସ୍କରେ ଏଭଳି କରିଛନ୍ତି। ଯୁବକଙ୍କୁ ୨ ଡୋଜ୍ ଟିକା ଦିଆଯିବା ସମ୍ପର୍କରେ ନର୍ସିଂ ଷ୍ଟାପ୍ ଜାଣିଥିଲେ ମଧ୍ୟ ଯୁବକ ଜାଣି ନ ଥିଲେ। ଫଳରେ ସମ୍ପୃକ୍ତ ଯୁବକ ଘରକୁ ଫେରି ଗୁରୁତର ହୋଇପଡ଼ିଛନ୍ତି। ରାଓ୍ବରପୁରା ଟିକାଦାନ କେନ୍ଦ୍ରରେ ଏଭଳି ଅଭାବନୀୟ ଘଟଣା ଘଟିଛି। ଘଟଣା ସମ୍ପର୍କରେ ସିଏମ୍ଓଙ୍କୁ ଅବଗତ କରାଯିବା ସହିତ ଏହାର ଯାଞ୍ଚ୍ ଜାରି ରହିଛି। ସମ୍ପୃକ୍ତ ନର୍ସିଂ ଷ୍ଟାଫ୍ଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହର କରାଯିବ ବୋଲି ସିଏମ୍ଓ କାର୍ଯ୍ୟାଳୟ ସୂତ୍ରରୁ କୁହାଯାଇଛି।
