କ୍ରିକେଟରେ ଜଣେ ବ୍ୟାଟ୍ସମ୍ୟାନ ଛକା ମାରିଲେ ବଲ ସୀମା ବାହାରେ ବସିଥିବା ଜଣେ ବ୍ୟକ୍ତିଙ୍କ ଉପରେ ପଡିବା ନୂଆକଥା ନୁହେଁ। କ୍ରିକେଟରେ ଏପରି ଅନେକ ଉଦାହରଣ ଅଛି। ଇଂଲଣ୍ଡର ୟର୍କସାୟାରରେ ଖେଳାଯାଇଥିବା ଏକ ସ୍ଥାନୀୟ କ୍ଲବ ମ୍ୟାଚରେ ମଧ୍ୟ ସମାନ ଘଟଣା ଘଟିଛି। କିନ୍ତୁ ଖେଳାଳି ଛକା ମାରି ନିଜ କାରର କାଚ ଭାଙ୍ଗିଥିଲେ। ସୋସିଆଲ ମିଡିଆରେ ଏହାର ଏକ ଭିଡିଓ ଭାଇରାଲ ହେଉଛି। ଏହି ମ୍ୟାଚରେ ଇଲିଙ୍ଗୱର୍ଥ ସେଣ୍ଟ ମେରି କ୍ରିକେଟ କ୍ଲବ ଏବଂ ସୋୱର୍ବି ସେଣ୍ଟ ପିଟର୍ସ କ୍ଲବ ମୁହାଁମୁହିଁ ହୋଇଥିଲେ। ଇଲିଙ୍ଗୱର୍ଥ ସେଣ୍ଟ ମେରି ଖେଳାଳି ଆସିଫ ଅଲି ବ୍ୟାଟିଂ କରି ଏକ ଚମତ୍କାର ସଟ ମାରିଥିଲେ। ଏହି ସମୟରେ ସେ ଏକ ଏମିତି ଛକା ମାରିଥିଲେ ଯେ, ବଲ୍ ଯାଇ ତାଙ୍କ କାରର ପଛ କାଚରେ ବାଜିଥିଲା। ଫଳରେ ତାଙ୍କ କାଚ ଭାଙ୍ଗିଯାଇଥିଲା। ଏହା ଦେଖି ବିପକ୍ଷ ଖେଳାଳି, ସାଥୀ ଖେଳାଳି ଏବଂ ଅମ୍ପାୟାର ମଧ୍ୟ ହସିବା ବନ୍ଦ କରି ପାରି ନ ଥିଲେ। ଏହା ଦେଖି ଅଲି ତାଙ୍କ ମୁଣ୍ଡରେ ହାତ ଦେଇଥିଲେ। କିଛି ସମୟ ପରେ ସେ ଆଶ୍ଚର୍ଯ୍ୟ ହୋଇ ଆଣ୍ଠୁମାଡି ପଡିଆରେ ବସିପଡିଥିଲେ। ଏହି ଘଟଣାର ଭିଡିଓ କ୍ଲିପ ଇଲିଙ୍ଗୱର୍ଥ ସେଣ୍ଟ ମେରି କ୍ରିକେଟ କ୍ଲବ ଦ୍ୱାରା ଶେୟାର କରାଯାଇଥିଲା। କାରର ଭଙ୍ଗା କାଚର ଏକ ଫଟୋ ମଧ୍ୟ ଅପଲୋଡ ହୋଇଛି।
ଏହି ମ୍ୟାଚରେ ଆସିଫ ଅଲି ୪୩ ରନ ସ୍କୋର କରିଥିଲେ କିନ୍ତୁ ତାଙ୍କ ଦଳ ୭ ଉଇକେଟରେ ହାରିଯାଇଥିଲା। ଅଗଷ୍ଟ ୨୦୨୦ରେ ଆୟର୍ଲାଣ୍ଡର ଅଲରାଉଣ୍ଡର କେଭିନ ଓ’ବ୍ରାଇନଙ୍କ ସହ ଏକ ସମାନ ଘଟଣା ଘଟିଥିଲା। ସେ ଏକ ଘରୋଇ ମ୍ୟାଚ ଖେଳୁଥିଲେ। ଡବଲିନ୍ର ପେମ୍ବ୍ରୋକ କ୍ରିକେଟ କ୍ଲବ ନିକଟରେ ପାର୍କିଂରେ ରଖାଯାଇଥିବା ତାଙ୍କ କାରର ପଛ କାଚ ନିଜ ସଟ ଦ୍ୱାରା ଭାଙ୍ଗି ଯାଇଥିଲା।
That moment when you hit a massive six only for it crash through your own car windscreen 🤣🤣
🔊 Sound on to hear the smash 💥 pic.twitter.com/FNjRMic9U5
— Illingworth St Mary’s CC (@IllingworthCC) June 20, 2021
