ସୋର,୨୫।୬: ବାଲେଶ୍ୱର ଜିଲା ସୋର ଥାନା ବଡ଼ଖୁରି ଛକରେ ଥିବା ଏକ ଜୁଏଲାରୀ ଦୋକାନରୁ ସୁନା ଅଳଙ୍କାର ଲୁଟ ହୋଇଛି । ଗ୍ରାହକ ବେଶରେ ଆସି ଜଣେ ଯୁବକ ଦୋକାନରୁ ୧୪ ଗ୍ରାମ ଓଜନର ଏକ ସୁନା ହାର ଲୁଟି ନେଇ ଫେରାର ହୋଇଯାଇଛନ୍ତି। ଦୋକାନରେ ଲାଗିଥିବା ସିସିଟିଭିରେ ଏହା କଏଦ ହୋଇଛି। ପୋଲିସ ସିସିଟିଭି ଫୁଟେଜ ଆଧାରରେ ଘଟଣାର ଅଧିକ ତଦନ୍ତ ଚଳାଇଛି।
ସୂଚନା ଯୋଗ୍ୟ, ଜଣେ ଯୁବକ ଦୋକାନକୁ ଆସି ମାଲିକଙ୍କୁ ସୁନା ହାର ଦେଖାଇବାକୁ କହିଥିଲେ। ସେ ଏକ ୧୪ ଗ୍ରାମ ଓଜନର ସୁନା ହାର ତାଙ୍କୁ ଦେଖାଇଥିଲେ। ସେତିକିବେଳେ୨ ଜଣ ମହିଳା ଗ୍ରାହକ ଦେକାନକୁ ଆସିବାରୁ ତାଙ୍କୁ ମଧ୍ୟ ମାଲିକ ଅନ୍ୟ ସୁନା ଅଳଙ୍କାର ଦେଖାଉଥିଲେ। ଏହାର ସୁଯୋଗ ନେଇ ଯୁବକ ଜଣଙ୍କ ଏକ ହାର ନେଇ ଦୋକାନରୁ ଚମ୍ପଟ ମାରିଥିଲେ। ଏହା ଜାଣିବା ପରେ ଦୋକାନ ମାଲିକ ସୋର ଥାନାରେ ଲିଖିତ ଅଭିଯୋଗ କରିଛନ୍ତି।
