ସାମୁଦ୍ରିକ ଘାସରୁ ତିଆରି ହୋଇଛି ଏହି ଘର, ମିଳୁଛି ପ୍ରଚୁର ଅମ୍ଳଜାନ

ଗ୍ଲୋବାଲ ଓ୍ବାର୍ମିଂ ଯୋଗୁ ପୃଥିବୀ ଭିତରେ ଗତି କ୍ରମାଗତ ଭାବରେ ବୃଦ୍ଧି ପାଉଛି। ଏଭଳି ପରିସ୍ଥିତିରେ ଭୂକମ୍ପ ଏବଂ ବନ୍ୟା ପରି ଅନେକ ପ୍ରାକୃତିକ ବିପର୍ଯ୍ୟୟ ସାମ୍ନାକୁ ଆସୁଛି। ବର୍ତ୍ତମାନ ଏହି ବିପର୍ଯ୍ୟୟକୁ ଦୃଷ୍ଟିରେ ରଖି ବିଶେଷଜ୍ଞମାନେ ଭିନ୍ନ ଧରଣର ଏକ ଘର ତିଆରି ଉପରେ ଗୁରୁତ୍ୱ ଦେଉଛନ୍ତି। ଯେଉଁଥିରେ କି ଲୁହା ଏବଂ ସିମେଣ୍ଟର କମ୍‌ ବ୍ୟବହାର କରାଗଲେ ମଧ୍ୟ ଏହା ଅଧିକ ସ୍ଥାୟୀ ହୋଇପାରିବ। ଏହି ଘରଗୁଡ଼ିକ ପରିବେଶ ପ୍ରତି ମଧ୍ୟ କ୍ଷତି ପହଞ୍ଚାଇ ନ ଥାଏ।

ଡେନମାର୍କର ଲାଇସୋ ଦ୍ୱୀପପୁଞ୍ଜରେ ଏପରି ସ୍ବତନ୍ତ୍ର ଧରଣଣ ଘର ସାମୁଦ୍ରିକ ଘାସରେ ତିଆରି କରାଯାଇଛି। ଏହି ଘରେ କେବେ କଳଙ୍କି ଲାଗିବ ନାହିଁ କି କୀଟପତଙ୍ଗର ଭୟ ମଧ୍ୟ ରହିବ ନାହିଁ। ଭୂକମ୍ପ ପରି ବିପର୍ଯ୍ୟୟକୁ ଏହା ସାମ୍ନା କରିବାରେ ସକ୍ଷମ ହେବ। ଡେନମାର୍କର ଲାଇସୋ ଦ୍ୱୀପରେ ଏପରି ଅନେକ ଘର ଅଛି। ଯାହାକି ସାମୁଦ୍ରିକ ଘାସ ବ୍ୟବହାର କରାଯାଇ ନିର୍ମିତ ହୋଇଛି। ଏହି ଘରଗୁଡ଼ିକ ଅନେକ ପିଢ଼ି ପର୍ଯ୍ୟନ୍ତ ରହିଥାଏ। ୧୭ତମ ଶତାବ୍ଦୀରୁ ଏହିପରି ସ୍ବତନ୍ତ୍ର ଘର ନିର୍ମାଣ କରାଯାଉଛି।

ଏହି ସାମୁଦ୍ରିକ ଘାସକୁ ସ୍ବତନ୍ତ୍ର ଭାବରେ ବିବେଚନା କରାଯାଏ। କାରଣ ଏହା ନିଆଁକୁ ଆୟତ୍ତ କରିପାରେ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଯେ, ଏଲଗ୍ରାସ କାର୍ବନ ଡାଇଅକ୍ସାଇଡ ଅବଶୋଷଣ କରିଥାଏ। ଏହି ଉପାୟରେ ଘରେ ରହୁଥିବା ଲୋକଙ୍କୁ କୌଣସି ବାୟୁ ବିଶୋଧନକାରୀ ଆବଶ୍ୟକ କରନ୍ତି ନାହିଁ। ଏହି ଘରୁ ପ୍ରଚୁର ପରିମାଣର ଅମ୍ଳଜାନ ମିଳିଥାଏ।